改名

台灣奶奶搵廟祝幫孫女改名 網民指:現在是清末民初? 

近日,台灣有一名女網友於網上發文,指自己一名女性朋友啱啱生完bb女,但由於兩公婆未為囡囡改名,故早前請其奶奶幫忙諗剛出世嘅b囡名,點知就出事了。皆因奶奶所提出的5個名都太有與現今時代脫節的感覺了…

撰文:東方新地|圖片:爆廢公社Facebook

台灣奶奶搵廟祝幫孫女改名

近日,台灣有一名女網友於網上發文,指自己一名女性朋友啱啱生完bb女,但由於兩公婆未為囡囡改名,故早前請其奶奶幫忙諗剛出世嘅b囡名。首先,該名新手媽媽問好友係咪忙緊,其後貼出一張初生b女瞓緊教嘅相畀好友睇,表示啱啱氹完bb瞓教好赲。

改名

當兩位好友互相問候完一輪後,該名新手媽媽就入正題,指自己遇上一個問題,同時send出一張紅紙畀好友睇。

改名

廟祝所起的5個名

紅紙上面用黑墨寫咗5個名字,包括秀鸞、寶春、彩鳳、春桃、招弟,就咁睇呢5個名,都不禁覺得好似回到清末民初時期,皆因每個名都好有傳統味道…

該位新手媽媽繼續指「我婆婆(奶奶)去廟裏請師父算的名字」,還用咗2000元台幣,奶奶仲要佢選一個。今次認真出事,5個名聽落都咁有懷舊復古味,叫呢位新手媽咪點揀得落手?

而呢位新手媽媽嘅老公竟然見到呢堆名字後,表示冇意見,真係聽到友人o哂嘴。但該名新手媽媽就覺得好為難,因為「這些名字真的很鳥(很爛)」但唔揀又驚激嬲奶奶,日後仲要請奶奶幫手照顧bb。因此,樓主一諗到好友將來要睇奶奶臉色,於是打算集思廣益,解決當前改名問題。

引來網民激烈回響

當呢個貼文一出,馬上引嚟唔少網民留言直指呢5個名感覺俗套,非常有鄉村風,仲話可能奶奶想抱孫仔,所以先會出現招弟呢個選擇。

有網民搞笑咁話,如果去街市買餸千奇唔可以嗌個女個名,因為會有一大班上咗年紀嘅阿嬤會嚟問做咩叫佢哋個名,認真爆笑!

同時,亦有細心網友打出25個名,每個名均由原本奶奶所請人改嘅5個名嘅變化版,仲話呢25個組合名已值2000元台幣,暗指廟祝隨便取幾個名字嘅收費太貴。

另外,亦有網民指若然呢位新手媽媽幫囡囡改咗該5個名嘅其中一個,其囡囡大個後會憎媽咪,仲話第日又要改多次名。

認真講句,無論係秀鸞、寶春、彩鳳、春桃同招弟呢5個名的確唔太適合依家呢個年代,實在太有脫節嘅感覺,真係一定會被人笑!

關鍵詞
台灣