搭訕

囡囡搭訕長腿姐姐 助失婚爸爸成功脫離單身

成日都話女兒係爸爸的前世情人,唔少人覺得女兒善解人意又顧家,但台灣有位可愛妹妹孝順得厲害,竟然幫爸爸同一位長腿正妹搭訕,事後呢位爸爸更憑藉女兒的搭訕,成功同正妹譜出戀曲,脫離單身!有冇咁神奇呀?

撰文:東方新地|圖片:Facebook「爆廢公社」

|囡囡搭訕長腿姐姐

一位網民喺Facebook群組「爆廢公社」上載一張相片,並留言「女兒的好處就是貼心,但貼心過頭了,不用幫爸爸搭訕啊,我好尷尬」,相片中見到一位滿是稚氣的可愛妹妹,喺飲品店同一位戴著頭盔、擁有一雙白滑長腿的長髮姐姐傾偈,仲投入得手舞足蹈,搞到爸爸好老尷!

搭訕
妹妹同姐姐有咩傾呢?係咪介紹緊自己爸爸?

|助失婚爸爸成功脫離單身

當時網民睇完都係一笑置之,誰不知劇情有驚人發展,該位網民兩星期後再喺「爆廢公社」出Post,上載一張該位長腿正妹拖著女兒的背影照,留言道:「上次女兒幫我搭訕…終於…終於…脫離單身啦」原來係女兒「神助攻」,助爸爸追得美人歸,三人幸福行夜市!

搭訕

搭訕
真係估佢唔到!

|網民「葡萄」想借女一用

網民見狀都紛紛留言祝福,但同時亦係超級「葡萄」,留言問可唔可以借樓主個女兒幫忙脫單!但同時都有人質疑事件的真實性,不過真相係點就唔知啦!

同場加映:不孝女想辦法同爸爸和好

之前有個女仔自稱係不孝女,喺台灣Dcard度出Post「爸爸幫我買奶茶」,大概話佢同爸爸嘈咗交,被罵係不孝女,為了同爸爸和好,佢出咗一樣法寶,結果爸爸鬧出笑話!

不孝女

原文如下:

「小女子前些日子與父親吵了一點小架,與其說吵架不如說是他認為我不聽他話,鬧點小脾氣唸我是不孝女,這不打緊這是父女間的小小打鬧。

後來小女子為了與父親和好便在隔天早晨時寫了這樣的紙條給父親大人」

不孝女

睇錯字擺烏龍

父親大人通常都係口硬心軟,當然有幫女兒買早餐,點知就出事啦!因為個不孝女喺紙條寫住「3個蛋餅+2個水煎包+一杯大奶茶」,點知爸爸睇咗做「十一杯大奶茶」!

一日一奶茶

雖然兩父女鬧交,11杯大奶茶又好唔合理,爸爸仲嬲爆話做咩要買咩多,點飲得晒… 但佢都係去買咗。擺完大烏龍,爸爸唯有分多幾日每日飲一杯奶茶清晒佢啦,點知有網民就話呢種奶茶放隔夜係會變壞… 正一不孝女呀!

原文如下:

老爹說「報告不孝女,我今天喝完最後一杯了」

話說謝謝有些人關心我爸的狀況,他喝完十杯奶茶完全沒有任何不適感,因為他平常很健康有固定在運動我們家也都是吃素,也很常喝水所以身體都蠻健康的,謝謝大家關心喲!

By 爸爸認為我不孝的不孝女上

爸爸真可愛

兩父女邊有隔夜仇!唔少網民都有留言,讚個爸爸真係好可愛!