小學生

小學生功課上畫公仔給女老師 網友笑:係爸爸嘅陰謀!

唔知大家有冇試過喺功課上畫公仔兼寫字留言俾老師呢?最近,台灣就有一位學生喺作業上畫畫又寫字讚老師,結果唔少網民都錯重點,笑指一切其實都係學生爸爸嘅陰謀!

撰文:東方新地|圖片:Facebook

小學生功課上畫公仔給女老師

近日,台灣一名女老師於網上群組發帖文,留言指:「最喜歡改這種作業了」,同時並貼出兩張相。小學生

相片中見到學生喺作業頂部嘅訂正欄位置畫出唔同嘅公仔,同時喺肚上寫「老師你好可愛」及「老師好漂亮」。老師亦俏皮地回應,畫出一個面紅嘅表情兼寫「哪有妳可愛>/////<」及「這樣會害我期待改作業XD」。

小學生
學生畫出一隻疑似兔子,肚子上寫了「卡娜赫那」4個字。
小學生
另一個學生就畫出一個方型笑臉!

之後,老師亦有喺發文再度留言,指:「其實一直以來都有,今天心血來潮拍下來分享一下,小朋友有畫我才會回,平常就……專心改作業」,原來有兩個小女生嘅學生畫出可愛嘅公仔氹老師開心!

網友笑:係爸爸嘅陰謀!

此文一出後,隨即惹嚟唔少網友留言,有網友就指樓主嘅學生咁細個就已經識撩老師,亦有唔少人讚老師好靚乘勢問老師係咪單身,想「求認識」!

不過,有網友就搞笑回覆,直指公仔係由學生嘅爸爸所畫,而非出自學生之手!

除咗笑言公仔係由學生爸爸所畫外,有網友亦形容老師嘅學生係撩女仔方面「有前途」!

其後,有網友更稱成件事根本就係出自學生爸爸嘅陰謀,甚至話「下一篇會不會是你可以當我媽媽嗎?」相當有趣!唔知大家又點睇呢?

延伸閱讀:

預算案中的計劃

唔知大家仲記唔記得,今年年頭財政司司長陳茂波所公布嘅新一年度《財政預算案》,預算案中提及今年政府會向本地中小學生,提供一萬張免費海洋公園入場門票。當時,唔少人聽到呢個消息都有所微言。

本身有免費海洋公園入場門票就當然係件開心事,不過得嗰一萬張飛,而全港則有合共70萬名中小學生,明顯供不應求。

受惠學生約佔整體中小學生只得1%,「僧多粥少」,各位學生想攞到免費飛就真係好似爭學位一樣咁難!

學校老師網上爆料

話說,近日就有學校老師喺網上爆料,指自已所任教嘅學校好好彩分到政府所派嘅免費海洋公園門票,但數量就唔多,學校就決定用嚟獎品學兼優嘅學生,每班一個,每人兩張飛。

爆料者作為班主任就千挑萬選下,揀出一個學生,獲得呢兩張猶如一票難求嘅門票。

點知,個學生拎住飛,滿心歡喜同朋友仔一齊去到海洋公園門口先被入場工作人員拒於門外。

點解?原來係因為張免費門票只適用喺非繁忙季節,即6、9、11及12月。

作為一個老師,深明嗰幾個月份,正正就係學生最忙嘅時刻,因為撞正開學及準備考試!學生就算喺個四個月份去玩,都未必可以開懷玩個痛快。

該名爆料老師,於網上一五一十講出成件事嘅來龍去脈!

網民留言

聽到呢件事,有網民就覺得呢啲免費門票完全係個伏,仲話係財爺大整蠱。

同時,亦有網友指門票適用期根本就唔啱學生去玩,因為學生照常理會喺放大假先去,又指政府並冇考慮到細節位,只係求其送門票出去就算。

真相大白

但事情仲未完結,近日海洋公園發言人就回覆傳媒,指該名教師所指的門票為「關心你」獎勵計劃送出的門票,而非《財政預算案》中嘅一萬張免費門票。真相大白,原來係一場誤會!

「關心你」獎勵計劃

據了解,「關心你」獎勵計劃每年送出1.2萬張門票,以表揚6000名於本學年曾積極協助學校建立關愛校園文化及在關愛同學方面值得嘉許的中學生,每名學生可獲贈2張門票。