放題

放題被爆刺身有蟲? 原來係網民缺乏常識…

網上討論區經常有唔同Post去討論香港千奇百怪的事,不過網上世界切忌跟車太貼同假膠,事關久唔久都會有傻仔想要公審他人,結果發現係自己樣衰咗,結果被巴打們恥笑返轉頭!以下呢位朋友食完放題有嘢發表,點知……

原文:環球膠報|圖片:lihkg.com

放題被爆刺身有蟲?

事緣有位網友幫襯一間位於葵芳的放題店,不過食甜蝦時就發現有黑色一點點,直指啲蝦有蟲卵!佢仲影咗相放上討論區,打算公審呢間放題!

放題

放題

放題

好啦,一開始啲網友都以為係真係有蟲,以為呢位樓主好心提醒大家。但望望吓先發現,原來樓主可能冇咩生物方面的常識,將蝦卵當蟲卵,仲要以為自己好鬼醒好鬼型咁!呢啲咪就係_ 出國際…

放題

仲有網友笑佢:

同場加映:

8個食放題最癲事件簿

1|中場換人

有網民話見到有人食放題嗰時,竟然可以好似踢波打籃球咁,食食下換人!?有個人上半場食飽走咗,下半場就見到第二個人入咗去繼續食。嘩,真係明副總其實二人同行,一人價錢,好L抵!

後備入替,接力繼續食!

2|𡁻完鬆

有網民見過2個MK仔食放題,食得好急,食完就行後樓梯走咗。之後個經理知道咗就好嬲,仲不斷鬧個下屬。

食霸王餐咁衰格?

3|另一半食到黑面

網友話見過有對情侶去食放題,點知條仔掛住打機,女朋友即刻黑面。條仔又叫埋啲火鍋個啲,而女朋友就繼續黑面,搞到最後無點食過嘢就走,成程半個鐘都無。小編就覺得,嬲還嬲,唔好同個肚過唔去,食飽先慢慢嬲呀嘛!

4|嗌飯食食到飽

有網友話上次同朋友食放題,朋友第一時間剔左個揚州炒飯,食完就飽。其實要食飯落茶記食啦,平好多喎!

揚州炒飯係好食嘅…

5|刺身L出沒注意

有網友兩個人去食放題,每人嗌咗各100刺身,其他嘢都叫咗幾round。其實小編同唔少香港人一樣都好鍾意食刺身,不過100片刺身真係食得晒咩?雖然填咗100片都唔會真係出100片刺身俾你。

刺身正呀喂~

6|有理冇理嗌咗先

有網友見到人吔個枱叫咗20窩清酒煮蜆,嚇到個經理行埋嚟問係咪落錯,佢哋話冇填錯,結果半個鐘唔使就食晒。

擦得當然冇問題啦,但相信唔少人都見過無品食客刻意浪費的情況,有網民就話曾經見過隔離枱叫了一整盤約20件壽司,但食都冇食過就埋單走人。

7|異類「細食客」

唔少網民都分享見過的「大食客」,但其實「細食客」喺放題世界同樣係異類,有網民就話見過其他食客只係食少少,食量同付出價錢完全唔成正比,例如「淨係叫左1碟牛肉1碟菜,然後全程坐起度飲野吹水」,「我朋友自己一個食放題 淨係叫一球雪榚」。

有冇咁鍾意食雪糕?

8|嘔完再食過

呢單真係好癡線,有網友話有次一大班friend去食放題,坐隔離個friend食完一輪就去廁所,去完之後又繼續係咁食,如是者去咗幾輪廁所,搞到網友忍唔住問個friend:「無野嘛你去左幾次廁所痾仲食得咁癲?」點知個friend話:「癡線邊個話你知我肚痾?」。原來個friend係走咗廁所嘔,嘔完再出返嚟食。大佬呀你唔好咁癡線啦!