旅行青娃

《旅行青蛙》設計師:遊戲的設計初衷是因為思念丈夫

日日等青蛙回家?成日要幫佢執下書包添置食材?得閒又望下青蛙仔做緊咩?相信有玩《旅行青蛙》的網友們都有以上的習慣!當大家都當正青蛙係囝囝,自稱蛙爸蛙媽的時候,《旅行青蛙》設計師上村真裕子就話俾大家知,原來設計《旅行青蛙》的初衷唔係因為囝囝,而係掛住老公呀!

撰文:Fiona

相片:影片截圖、《旅行青蛙》遊戲截圖
原文:Sunday Kiss

《旅行青蛙》點解用青蛙做遊戲的主角?

原來喺日本,青蛙寓意着平安回家,唔講唔知,好多日本人去旅行嗰陣,都會拎住青蛙產品當護身符,所以上村真裕子就起用青蛙做遊戲的主角啦!

遊戲設計師 上村真裕子
遊戲設計師 上村真裕子

《旅行青蛙》靈感源自經常出差的丈夫

上村真裕子表示,設計遊戲的初衷其實係因為丈夫!她話喺日本,養丈夫就好似養青蛙一樣,因為老公經常出差,短則2天1夜,長則一個禮拜,所以每當老公出差,賢內助就要幫老公收拾出差的用品,然後當老公出差返嚟後,就會帶當地的手信、特產以及與景點的合照!

見到青蛙有用自己買嘅頭巾,心裡一陣感動!
青蛙認識新朋友,心裡又是一陣安慰!

青蛙唔返屋企,蛙爸媽要做咩?

真裕子幽默地回答:「就是祈禱青蛙仔快啲返嚟啦!」各位蛙爸媽們,繼續獨守空房吧!另外,明信片的風景目前只有日本10個地點左右,真裕子透露未來會繼續增加,至於唔係明信片上寫地點的原因,原來是因為希望玩家們可以透過土產去推測!

小編最鍾意就係青蛙擘大眼食嘢呢個樣啦!