桃乃木

為食女優桃乃木香奈 新幹線貼心「戴套」食肉包

大家都知道「車廂內嚴禁飲食」,如果搭車時隔離有人食緊個燒味飯,都真係幾令人反感,而喺日本呢個極注重禮儀的國度,更是一種非常不禮貌的行為!日前AV女優桃乃木香奈(桃乃木かな) 喺Twitter上載幾張相,見到佢竟然用個透明膠袋套住自己食肉包,真係咁有公德心?

撰文:東方新地|圖片:Twitter

桃乃木香奈「戴套」食肉包

話說日本AV女優桃乃木香奈(桃乃木かな)上載咗幾張相片,相片中見到佢喺新幹線大快朵頤食肉包,不過就用個大透明膠袋套住自己!佢就留言表示,自己忍唔住口想食呢個馳名「551蓬莱豬肉包」,但又怕氣味影響其他乘客,所以出此下策!

 

為咗食肉包,究竟可以去到咁盡!唔少網民都稱讚桃乃木可愛又貼心,不過有人懷疑呢個方法係咪可有效減少氣味四溢,仲擔心桃乃木會唔會抖唔到氣呢!

桃乃木
雖然要用個膠袋套住,不過都睇得出桃乃木食得好開心~

 

贏過三上悠亞

桃乃木香奈係何許人也?小編對呢方面的女演員唔太熟悉,不過據知佢今年21歲,身型嬌小只有153cm,但就擁有F Cup上圍,名副其實天使臉孔魔鬼身材,喺日本有極高人氣!桃乃木去年於《成人廣播獎》中勇奪「新人女優賞」,到底有幾巴閉呢?就係桃乃木係打敗現時無人不曉的三上悠亞攞呢個獎㗎!

出晒名大胃王

小編唔知桃乃木啲作品如何啦,不過佢其實係AV界出晒名的大胃王,超級為食,經常都會喺社交平台上載美食照,次次都係幾個便當、幾碗拉麵、幾碗牛肉飯咁食!見到桃乃木大大啖食嘢的可愛樣,網民都高呼好想餵飽佢!

關鍵詞
AV女優