清貧女學生

清貧女學生被騙徒呃錢又呃心 網民:邊有咁多馬會黑卡會員

俗語都有話:「邊有咁大隻蛤乸隨街跳」,適逢呢排世界盃,Facebook等社交平台都有好多「乜哥」自稱係馬會黑卡會員,話自己有內幕消息,聲稱「做人做狗自己決定」、「幫大家發達」、又話自己「呢排都賺夠,好想俾人賺吓」。不過大家小心中伏,最近就有清貧女學生疑似受騙。

原文:經濟一周|圖片:網上圖片

清貧女學生被騙徒呃錢又呃心

有事主稱,見到呢啲賭博貼士嘅資料,佢地講到自己九成會中,如果俾錯料仲可以退錢;又強調戶口有齊個人資料,絕對唔會「走數」!點知最後唔單止走數,連人都走埋!

清貧女學生

個「乜哥」最初聲稱$500本金入會就得,之後又話要$1,000。點知再傾傾吓,又話$6,000一個月,$8,500永久。

清貧女學生

事主話本來已經問得好清楚,$500係玩一個星期,「乜哥」睇嚟似坐地起價喎。清貧女學生覺得自己受騙,就要求退錢,仲俾埋銀行戶口號碼對方,叫佢盡快入返錢。

清貧女學生

相信大家都估到之後事情發展!「乜哥」當然係潛咗水。

當清貧女學生等得唔耐煩,聲稱要報警處理,「乜哥」竟然俾咗兩個ok手勢。

清貧女學生追咗成個月,忽然收到一場「貼士」,並稱「500一場計劃已完結」,之後就影都冇。

賭博本身已經係旁門左道,更何況貼士,真係有嘅話馬會一早收檔喇!大家都係努力腳踏實地好過。記住:愈努力,愈幸運!

延伸閱讀:

空姐馬爾代夫大解放 噴血泳衣照益網民

Double May迫爆巴士 網民偷拍點知影埋自己…