澳牛

平民去澳牛拍片被狂X兼趕出門口 知名KOL就任拍唔嬲?

人總係犯賤嘅!無論澳洲牛奶公司(「澳牛」) 伙記嘅態度幾惡劣都好,門口條人龍依然係咁長!香港人未排隊已經諗定叫咩餐,外國遊客就練定幾句點餐限定廣東話﹐個個都驚死俾人鬧!YouTuber香港人夫Benjamin同日本人妻Momoko偏偏唔怕死,勇闖澳牛拍片,結果……

原文:wfc|圖片:YouTubeBenja & Momo Channel

平民去澳牛拍片被狂X兼趕出門口 知名KOL就任拍唔嬲?

其實係人都知,只有大肚婆喺澳牛有「VIP待遇」,可以慢慢食、慢慢行,但YouTuber Benjamin同日本人妻Momoko就話你知,原來唔止大肚婆有特別優待㗎!究竟佢哋口中嘅「一些YouTuber」係邊個呢?而Benjamin佢哋又拍出幾「真實」嘅一面呢?

未排隊先緊張

好啦,Benjamin同Momoko呢日去到澳牛,未排隊已經先緊張!真係好緊張!究竟佢哋所指拍到「最真實一面」係點呢?大家慢慢欣賞!!

澳牛
朝早11點幾已經大排長龍!
「澳牛」嘅服務態度相信各位都領教過……
唔想俾人鬧,點餐、食嘢嘅速度就要保持跑100米嘅狀態。
Momoko就問啦,澳牛唔係賣緊一般茶記都有嘅食物咩?阿嫂真係看透世事!
Benjamin好驚廣東話唔太靈光嘅老婆被鬧!
澳牛
所以要先訓練佢「光速點餐法」。
澳牛
請於3秒內講出「芝士三文治烘底、熱奶茶」!
呢邊呢邊呢邊!趕羊咁趕呀!

終於入到去

好啦終於到Benjamin同Momoko入去啦,不過行得慢少少已經被人「問候」,待應哥哥呼喝道:「快啲!」

之後待應話:「仲影?」入澳牛拍片,等於玩命!
識飲熱杏霜,Benjamin真係非一般港仔喎!
澳牛
Momoko:「熱⋯熱⋯熱奶茶!」佢老公好似仲緊張過佢!
講得太慢同講得唔清楚,俾人兇!
被澳牛哥哥嘅霸氣震懾了!

早餐光速上枱!

大家都知道澳牛出晒名光速上菜,Benjamin完全拍唔到上菜嘅一刻!

Benjamin:「俾人催到命都冇!」
人人都搏老命食「光速餐」,成間餐廳嘅氣氛都勁緊張!
但佢仲得閒偷聽隔離台俾人鬧喎!咪咁多事,快啲食呀!
佢哋夠膽拍到呢個地步,真係勇氣可嘉!
到埋單俾錢嘅一刻!終於因為拍片而被待應大哥狂X!X到趕埋出門口!
呢場戰役看似漫長,其實只有15分鐘!
佢哋嘅結論係:冇下次!永遠都唔會再去!

同人唔同命?

好啦,上文提到Benjamin話今次可以俾大家見到澳牛最真實一面,但同時「一些YouTuber」喺澳牛受到特別厚待,原來係講緊俄仔Ansheles同鄭金鈴(Ling Cheng)?

真係同人唔同命!
絕對係玩命之作!

睇番Ansheles條片,原來佢之前曾帶過妹妹去澳牛,諗住感受下點樣食嘢都俾人鬧啦,點知個侍應哥哥見到Ansheles有講有笑,真係太陽由西邊升起!

好啦之後到鄭金鈴條片,又係有侍應哥哥認得佢,仲好聲講句「慢慢食!」呢句說話竟然會出自澳牛哥把口!

澳牛
侍應哥哥仲要要say hi一齊上鏡!呢間真係澳牛?究竟發生咩事?

先睇Benjamin同Momoko「澳牛真實一面」:

同人唔同命之俄仔Ansheles

都係同人唔同命之鄭金鈴:

關鍵詞
KOL