直播

直播家暴求救 馬拉女模有時間直播 冇時間報警?

依家有啲人真係呃like大於一切,遇到危險,竟然唔係報警而係開live求救?話說馬來西亞模特兒兼知名DJ林雲(Leng Yein) 同細8歲嘅律師男友Peter交往2年間,不斷受男友恐嚇同家暴。有日佢突然開直播求救,不斷嗌「男友要打我!」。雖然最後獲救,但令人疑惑嘅係,點解佢會選擇開直播而唔係即刻報警呢?

林雲之前經常喺社交網站晒恩愛,外界仲以為佢愛情好美滿,點都諗唔到背後會咁恐怖!

直播

直播

話說佢之前突然喺Facebook直播求救,話男友要打佢,期間仲不斷聽到撞門聲。最恐怖係男友行到窗後望住佢嘅一舉一動,好似睇緊恐怖片咁⋯⋯

直播

其實直播一開始,林雲望住鏡頭正準備講野時,鏡頭就黑咗,兩分鐘後佢對著鏡頭話:「我今天跟你們講一件事,剛剛下飛機回家就和男友分手了,他一直打我手機,還要進來(房間),我把自己鎖住…我被他打到頭破血流很多次,2年以內我已經忍夠了,他現在不離開我的家,每天都在恐嚇我…我等下還要飛檳城,現在被人恐嚇出不去。」

直播

而直播期間,男友突然係外面大叫,瘋狂咁撞門,林雲即刻擋住!又不斷做口型求救,神情相當痛苦。

但直播突然中斷,過咗一陣佢又喺Facebook話:「他鎖了我的wifi,救我,Helpme」過程真係好似恐怖片咁,但好彩最後都冇事。

其後,林雲喺Facebook放咗呢兩年被打嘅相,話係同律師男友拍拖兩年間不斷受到對方施暴同威脅,而佢一次又一次咁原諒,催眠自己男友會改過,點知最後竟然⋯⋯

直播

直播

其實律師男友Peter係慣犯!有爆料話佢以前都打過其他女友。真係人不可貌相,你點都估唔到身為律師嘅佢,竟然咁衣冠禽獸!

直播

【慎入】涉事片段:

Posted by Leng Yein on Thursday, 22 March 2018

延伸閱讀:

靚空姐Vien 被賤男Ex公開閃卡 空姐都冇得做

空姐原來有性暗號? 識呢句通關密語就食得?

關鍵詞
家暴直播