Feature窮L

網民盤點窮L扮有錢人大法:如何月入八千戴勞扮揸跑車住大屋?!

香港唔係個個咬住金鎖匙出世、可以靠父幹從而月入八千買到林保堅尼,但就算生為窮L,總有辦法可以扮吓有錢人喺短暫嘅時光入面得到少許虛榮感啩?!最近,一眾網民就創意大爆發,以「一人一個扮有錢人嘅行為」為題集思廣益。小編就冇咩大志,不過花生就準備好喇,一齊睇下佢哋究竟可以去到幾盡啦!

原文:經濟一週 | 圖片:連登討論區麥當勞香港官方網站、劇集截圖、YouTube截圖淘寶網截圖閱讀全文

https://www.youtube.com/watch?v=4mgnbxLAllo”>黎特YouTube

一人一個扮有錢人嘅行為

入門篇:

好多巴絲打都由日常生活嘅角度出發,扮有錢都離唔開衣食住行,就好似叫麥記餐加大、每日飲Starbucks(甚或每日用Starbucks裝水)咁⋯⋯ 老老豆豆,雖然可能已經比平時豪,但真係太普通了!仲係讀緊書嘅朋友都可以參考一下,但返緊工嘅朋友就要進入下一個層次啦!

再加埋麥記套餐散叫,不拘小節得嚟又帶啲年輕富二代不諳世事嘅天真形象!

生活艱難,食個Shake Shake薯條都要加大啦!!

進階篇:

開始做嘢,少不免會諗吓土地問題啦!有巴打就話可以扮住私樓,但小編覺得太刻意,反而好似另一位網民所講,間接講吓屋企入面有咩高級設備好似都可行吖!

有網民就話見過有人周圍同人講自己住高層私樓,但原來係租嘅!但呢個都未夠有創意!

唉,個個都租樓,唔通個個都想租樓咩?

有網民就有朋友同人講屋企有十三道門,每次去廁所都要行過幾道門,每日嘅運動量竟然大部分嚟自於廁所。咁就可以成功扮到屋企好大又多房喇?又諗得過喎!不過,窮L如小編,成間屋計埋雪櫃門衣櫃門廚櫃門分分鐘都唔夠13道門喎⋯⋯
扮有錢

冇咩事小編出返去做嘢先⋯⋯

不過小編覺得最有魄力嘅都係以下呢位巴打!為咗要買隻勞,竟然選擇分期月供,真係喊出嚟!小編真心佩服⋯⋯

分期月供,就真係「勞力士無止境」喇! (陳奕迅 《陀飛輪》MV截圖)

小編自己都聽過一件勵志嘅機智故事,傳說有人喺淘寶淘咗幾條車匙返嚟,就帶喺身落蘭桂坊Happy Happy,最後憑住條淘寶車匙同豪請飲酒,成功呃咗唔少囡囡落搭⋯⋯

大家有興趣可以上淘寶睇下⋯⋯
唔打得都要睇得,可能就係講呢啲啦⋯⋯

一齊嚟重溫月入八千買林保堅尼大法:

所謂輸人唔輸陣,共勉之啦各位!

延伸閱讀:

孖辮正妹彩虹被捕獲 網民質疑唔係港人兼報細數…

關鍵詞
網民