外星BB

老婆陀外星BB 老公嚇到「干」一聲!

近日網上流傳幾張一對夫婦嘅對話圖片,大家唔好以為係咩夫婦之間嘅甜蜜對話咁簡單,事關因老婆一張超聲波相竟然將老公嚇親,皆因老婆陀緊嘅竟然係外星BB!如果俾著係你,你又會有咩反應?

撰文:東方新地|圖片:網上圖片

兩公婆嘅對話由老婆揭開成個故事序幕,老婆非常隱晦咁話有嘢想同老公講,但就唔可以錄音形式話俾老公知,仲叫老公忙完好即刻搵佢,作為老公睇到咁,當然好心急想知老婆有咩事喇!

喺老公追問下,老婆表示自己身體唔舒服,但就無講清楚係咩唔舒服,話驚講咗之後老公會有壓力。做老公嘅聽到呢句就仲大壓力,因為完全唔知咩事情。結果,老婆就話自己今日無胃口食嘢。

睇到咁,老公都醒目開始估到老婆可能有咗BB,又擔心老婆食詐糊,問佢驗過未。老婆即刻話驗咗之餘,上星期仲照埋超聲波,問老公睇唔睇!

老婆陀外星BB

正所謂有圖有真相,大家睇睇張超聲波照!竟然係個鹹蛋超人嚟!仲要擺住個「十字死光」姿勢,老婆仲講笑話想生佢出來拯救世界,十分抵死!但老公就差啲激到斷氣,忍唔住「干」了一聲,睇嚟BB未出世就先激死老竇~

外星BB
外星BB……

關鍵詞
老公老婆