連登仔

連登仔嫌女友收入及家境 發文求教如何講分手!

最近,有網民在連登討論區發帖,稱「拍左拖先知女友屋企好窮」,坦言接受不了女友這種家境,卻開不了口向對方講分手,故求一眾廣大網民教怎樣提出分手比較好。

撰文:東方新地|圖片:連登討論區、新傳媒圖片庫

連登仔嫌女友屋企好窮

近日,有網民於討論區以「條女好窮,想分手」為題發文,指自己有一個拍咗拖3個月嘅女朋友,女友父母不但拎取綜緩住公屋,依家更負債數萬元,而且女友亦需照顧一個尚在讀書嘅弟弟。加上,其女友亦已廿歲幾人,但仍不思進取地滿足於一份月入僅一萬元嘅銷售員工作上。

連登仔

網友更清楚列出其女朋友一個月的支出,自覺無論對方家境、收入各方面等亦與自己有差距,故坦言與對方根本不能一起組織家庭。網友雖然無法忍受以上種種因素,卻開不了口向女朋友講分手。因此,網友籍發文,希望求各位網民教佢點樣提出分手會比較好。

連登仔

發文求教如何講分手

網民紛紛表達意見

發文一出,網民就緊係首先了解一下樓主嘅背景,以便分析成件事。樓主則指自己與女友年紀相約,都係廿中嘅年紀,月薪為兩萬五,有車亦已有私樓。睇到樓主嘅個人背景,難怪佢會嫌棄其女友家境兼工作。

網民睇到樓主講自己嘅家境,廿幾歲就已經有樓,當然好奇樓主係咪靠父幹,而樓主亦直接承認首期係靠父幹先得嚟嘅。

有網友見樓主既然咁介意對方工作收入唔高,就俾意見叫樓主個女朋友轉工,轉做倫敦金。樓主就話自己之前已經講過,但女友表示依家份工既安定,同事又好人,所以唔願意轉工。

有網友就同樓主長遠咁分析,指兩者無論工作上、興趣同生活品味上都會有差距,長遠只會被拖低其生活質素,叫樓主早散早著。樓主就非常認同,仲話唔想將來個小朋友出世後捱窮。

唔少網民都體諒樓主,指明白樓主忐忑嘅心情,認同樓主分手嘅理由亦屬無可厚非。

 

不過,有網民提醒樓主唔好以為自己條件「較優越」就嫌棄對方。

有網民話樓主根本就未有本事養起一個家,所以其實唔關對方一個月搵幾多錢事。

不過,有網民就無奈表示香港拍拖嘅情侶幾時變得咁勢利,就連拍拖都要睇埋對方家境,先可以再長遠考慮結婚生仔等事。

關鍵詞
公屋