連鎖酒樓

連鎖酒樓神奇菜式 清蒸呢條嘢要88蚊?

香港人工作忙,唔係人人有時間喺屋企煮飯仔,不時都焗住出街食。連鎖酒樓、餐廳一街都係,不過食物質素就見仁見智,仲往往都會出現意想不到的菜式!以下網民分享的菜式,你又會唔會食?

原文:環球膠報|圖片:網上圖片

連鎖酒樓神奇菜式

最近有網民喺社交平台上,分享咗於某連鎖酒樓發現的新菜式,名為「清蒸原條勝瓜,」索價88元!呢位網民大感詫異,勝瓜切都唔使切,加啲薑同豉油,究竟值錢在邊呢?

連鎖酒樓新菜式「清蒸原條勝瓜」。

亦有唔少網民留言指見過更另類菜式:

奇怪餐單真係數都數唔完,仲有個奇怪菜式叫「朱古力汁雙腸麵」!

同場加映:

網民怒轟吉野家下午茶

早前有樓主喺討論區開post,稱自己喺吉野家叫咗個30蚊的雞扒烏冬下午茶,見到個烏冬賣相都ok啦,有麻醬烏冬有粟米有紫菜,不過主菜得三細舊雞,好似少咗啲?佢就嬲爆留言話「我隻貓都唔夠肉啦」、「斬唔斬得落手,得3舊」。

樓主仲好有心咁計埋究竟呢個餐可以賺幾多,「鳥冬成本1-2蚊,蛋1-2蚊,可樂0.1蚊,3舊雞2蚊」,仲話「賺到盡,整臭自己公司」。有網友話「10蚊一舊(雞)」好貴,仲有眼利的網友留意到啲雞好似…唔係太熟!

不過都有唔少人認為樓主小題大做,「嫌三嫌四咪去茶記囉,下午茶加埋凍飲都40啦」。

延伸閱讀:

空姐馬爾代夫大解放 噴血泳衣照益網民