C朗拿度

C朗拿度5,510萬豪宅一遊|2泳池7睡房8浴室…

C朗拿度(Christiano Ronaldo, C朗),無論你係咪球迷都唔會唔識佢啩?不過C朗又幾好波都唔需要小編多介紹,今次想同大家參觀一下佢間價值5,510萬、佔地約8,600平方呎的豪宅,真係要小心蕩失路呀!

撰文:東方新地|圖片:Instagram、Facebook、網上圖片

C朗… 咪C朗囉!

葡萄牙翼鋒C朗拿度,C朗呀嘛!當今世上最知名球星之一,曾效力英超勁旅曼聯,現為西甲班霸皇家馬德里當家球王。擁有強壯體魄、高超腳下功夫、精湛射術、極佳體能… 靚仔又大隻、係N個知名的代言人、人工超高… 小編都唔知點介紹佢好了。

世界盃火力全開

2018年世界盃在俄羅斯進行得如火如荼,C朗拿度再次以隊長身份帶領葡萄牙國家隊出戰,早前面對勁敵西班牙時幾乎已一人之力逼和對手,個人連入三球!及後對摩洛哥時再入一球,火力全開!

|C朗拿度5,510萬豪宅一遊

C朗拿度球技了得,吸金力亦是驚人,佢今年在福布斯十大運動員收入排行榜中居第三,年收入高達1.08億美金!C朗一家住在馬德里著名豪宅區La Finca,其豪華獨立屋由著名建築師Joaquin Torres設計,佔地約8,600平方呎,共有7間睡房及8間浴室、泳池、足球場、健身室及「獎盃室」等,真係分分鐘會蕩失路……

大門上有C朗名字縮寫「CR」的字樣

C朗拿度
家中隨處都可以成為模特兒照背景!

C朗拿度

|低調奢華客廳

C朗同屋企人最常用的客廳以白、黃色系為主,一張深藍色大梳化、水晶吊燈,另外牆上有多個銀邊相框。低調的奢華?

家庭照錯重點

去年Georgina上載一張與C朗及四個小朋友坐喺梳化的家庭照,相中可見C朗、Georgina及大仔「小C朗」各抱住一個BB,場面非常溫馨。不過萬千網民通通睇錯晒重點,因為相中Geogrina身穿吊帶小背心,露出傲人雙峰,非常胸湧,睇到O晒嘴!

黑色飯桌又型格又大張,請幾多位朋友嚟食飯都冇問題!

|「CR7」睡房

C朗的睡房,當然要用上自家品牌「CR7」的出品啦!

|想去C朗屋企?艾夫拿提提你…

暫時睇到呢度,相信唔少人都想好想去C朗屋企參加吓、食個飯!不過C朗前曼聯隊友、法國球星艾夫拿(Patrice Evra) 就警告大家千萬唔好去!事緣早年艾夫拿曾獲邀去C朗屋企食飯,點知食餐飯就得白烚雞胸、沙津同清水,連果汁都冇杯!

艾夫拿續道,本來當日操練完已經好累,但C朗食完飯不久就叫埋佢一齊練波,練完波就游水,之後仲有按摩浴缸和焗桑拿… 所以艾夫拿勸大家千萬唔好去C朗屋企!由此可見C朗真係非常勤奮,律己極嚴,幾乎沒有一刻停止訓練~

|鏡子老是常出現

曾經有裝修師傅大爆C朗鍾意照鏡,所以設計到成屋都係鏡,似乎都相當切合其性格!

|頂級專業健身房

大家都知道C朗拿度係一名非常勤奮、律己極嚴的運動員,佢一砸千金喺家中建造設備頂級的專業健身房,無時無刻都在訓練!早前有新聞指C朗身體年齡僅23歲,比其實際年齡年輕10年;而體脂肪比例僅為7%,低於一般球員的10%。另外C朗更有聘請私人營養師、醫生、物理治療師和廚師等,生活極有規律!

所以小C朗人仔細細已經咁大隻囉!小編再望望自己個肚腩…

|泳池有兩個

上文提到C朗曾拉埋艾夫拿食完飯游水,其實佢屋企共有兩個泳池,一個係帶氧訓練專用的短程室內游泳池,另一個就係室外游泳池。C朗除了平時自己操練,當然會同家人一齊玩水曬太陽,享受天倫之樂~

|私家足球場 冇得跟隊

C朗係足球員,屋企又點會冇足球場?佢仲會同小C朗一齊踢波!

|靚車同獎盃一樣多

C朗拿度除了獎盃多,佢亦係出名的愛車之人,名車一樣多!Bugatti超跑、賓利、保時捷、林寶堅尼通通不缺。大家可能都有印象,C朗2009年時曾購入一部價值達32萬美元(近250萬港元) 的法拉利跑車,點知新車落地兩日就炒車,陰公!

小編應該呢架都買唔起…

延伸閱讀:

【世界盃】日本妹票選世界遺產級美男球星