IKEA

挪威男投訴椅子令「蛋蛋」入洞!IKEA:建議在椅子上放…

挪威北部一名男子喺連鎖傢俬公司IKEA(宜家傢俬)買咗一款椅子,放喺浴室坐住沖涼,點知一起,下身劇痛,原來張椅嘅設計有幾個圓窿,呢位仁兄蛋蛋不幸地卡喺入邊,真係「男人最痛算這種」!

雖然事後蛋蛋都係成功走甩,但佢忍唔住喺傢俬專頁「投訴」,居然獲官方回應,對方提供多項特別嘅建議,網友都笑爆嘴…

撰文:東方新地| 圖片:IKEA Facebook

挪威男投訴椅子令「蛋蛋」入洞 IKEA有特別嘅建議…

事緣挪威北部呢名男子Claus Jørstad,因膝蓋受傷不能站立太久,所以他沖涼都要坐在椅子上,他有天從連鎖傢俬公司IKEA選購一張椅子,讓自己可以坐著舒服地洗澡。就係以下呢一款⋯

點知有一日當Claus坐在椅子上洗澡,起身時突然感到下身劇痛,低頭一看,才發現蛋蛋卡在椅上的圓洞內⋯⋯

「蛋蛋」如何成功逃脫?

Claus表示最初用了各種方法,都未能讓「蛋蛋」脫離洞內,但因為冇衫著身體愈來愈冷,當他拿起風筒吹風保暖時,意外地「蛋蛋」因為「熱脹冷縮」滑出洞口。

事後他忍唔住喺IKEA的Facebook專頁投訴,結果連官方編輯也忍不住留言建議,「建議您洗澡不要坐在椅子上,不然就是在椅子上鋪上衣服或毛巾,坐在『正確』的位置」,唔止咁,IKEA仲趁機賣廣告,叫對方可以在店內選購合適的小毛巾!

 

而Claus真係跟從IKEA的建議,及後再上傳放上毛巾的椅子照片,引來不少網民爆笑。

大家如果在買呢款椅子,而下身赤裸裸地坐,記住要放小毛巾在坐,以免因小失大!