P圖

網絡「女神」晒長腿 網民爆笑:係咪P圖P到懵左

長腿女神呢個稱呼真係唔係個個都叫得,因為依家好多嘢都可以用P圖搞掂,有圖未必有真相。最近有網民擺咗啲長腿女神相出嚟,不過就好似有啲…… 一齊研究下係真長腿定係P圖啦!

原文:娛聞樂|圖片:Lihkg.com

網絡「女神」晒長腿 網民爆笑:係咪P圖P到懵左

最近有連登仔擺咗堆長腿女神相同大家分享,不過似乎唔係張張都真長腿,好似下面呢堆相咁,大家覺得係咪P圖先!

P圖 P圖

P圖P圖

呢張相就擺明玩嘢啦!P到成個里約熱內盧基督像都出埋嚟啦!

有網民就撐女神s係真長腿:

不過都有網民食花生話擺明有P圖,仲要P到好誇張。

不過隻腳長到咁,小編真係覺得P到過晒火囉,另外有網民仲擺啲卡通圖出嚟,12頭身真係不是夢!

疑似原圖:

有網民最後擺咗啲疑似係原圖出嚟,不過肥仔黎我就唔知係真原圖,定係P短咗啲腳。

女神倪晨曦都試過P圖失手?

倪晨曦早前去歐遊影落唔少靚相,用心經營不同社交平台嘅佢都有不時同大家分享美照,大派福利。但最近佢就喺Facebook上傳咗呢張相,引嚟網民熱議!

Elva Ni
大家又睇唔睇得出張相有咩端倪呢?

倪晨曦大方回應

經常同網民互動嘅倪晨曦都好快發現咗網民嘅留言,亦大方喺自己Instagram嘅限時動態張貼咗網民嘅討論,竟然仲讚番網民好眼神?!

倪晨曦P圖
唔少粉絲都留言笑Elva執完相搞到路人變哂形,空間扭曲哂!

網民:女神識扭曲空間有乜出奇?

高手在民間!網民嘅留言往往都好精彩,甚至有人用「消失點」嚟分析呢張相!好似好Pro咁,拋窒小編啦⋯⋯

為咗整扁自己而P相?!

倪晨曦公開答案,原來係想將長方形嘅相變做正方形方便喺Instagram上傳,女神嘅思維果然與眾不同!

倪晨曦P圖
大家睇唔睇得出分別啊?

睇唔出嘅唔緊要,因為P扁咗嘅倪晨曦都一樣咁修長,小編一開始都發現唔到,所以為大家整咗張對比圖⋯⋯

倪晨曦P圖
拼埋左邊Before右邊After睇睇,可以發現背景右邊嘅地磚歪哂,路人都有嚴重變形,但倪晨曦P圖後都仲係好修長囉⋯⋯

 

更多潮文:

網民搞事P圖爆笑合集

事經曾經有樓主旅行時喺沙漠影咗張相,但相中有個白衫人攝鏡,於是就喺連登討論區開post,跪求巴絲打幫手「執」走個白衫人,點知網民就發揮小宇宙,P圖合集展開!

P圖

先嚟一啲簡單又樣衰版P圖先!

P圖

P圖

想P走白衫人?我見唔到樓主喎!

要P走白衫人?冇問題,將樓主cover埋上去亦得,得咗!

想睇無限白衫人?無問題!

想P走我,我大粒過你好多喎!走先啦byebye!

變幅畫出嚟都仲得!

Where’s Wally 版都出動埋!

最後都有個好心網民,幫樓主P到張相完美無瑕。