網上約交收 出到嚟驚見阿媽? 仲可以交埋女朋友……

依家咩都網購,大家都會在網絡平台買賣生活用品 、二手貨品甚至演唱會飛等,近日有人在討論區分享交收時的特別經歷,有人試過交易過程十足「毒品交易」、有巴打在商場附近草叢取貨,仲有人發現買家竟然是自己阿媽!但最誇張都係亦有不少人交收交埋個女朋友返來……

原文:娛聞樂|圖片:Lihkg.com、電影截圖

網上約交收 出到嚟驚見阿媽? 仲可以交埋女朋友……

日前在連登有樓主以「一人一個交收嘅特別經歷」出post,話自己試過約賣家交收,但因為自己塞車遲到而個賣家又有事要走,最後決定將貨品收在商場附近的草叢叫佢自己搵,真係咁都得?

 

有網民有類似經歷,因為賣家把貨物放在Locker內,叫佢攞貨後把錢放回Locker,呢個情節好似係電影先會見到喎,難怪巴打話「毒品交易咁嘅款」!

最搞笑係巴打指賣手機時,出到去交收先發現買家原來係自己阿媽,之後仲一路笑到返屋企!

除了搞笑奇遇,仲有唔少巴打交交吓收,交埋個女朋友返來呀!有位巴打本來諗住買演唱會飛,覺得對方「幾斯文幾靚」,仲主動同人傾計,最後仲重新買過兩張演唱會飛一齊睇演唱會,最後成功抱得美人歸,會唔會太perfect呀?

不過,都有唔少巴絲打表示有唔好嘅交收經歷,約咗個小學生買家,點知對方話冇帶錢,仲要白等對方半個鐘!

讀者留言