台女

台女港鐵大戰內地客 最後灰機:香港人好唔團結!

如果有三個人,但港鐵車廂得番兩個位,你會唔會照坐落去?近日有位居港台女喺港鐵見到三名成年內地人坐兩個位,就叫佢哋唔好咁做。點知⋯⋯

原文:娛聞樂|圖片:Facebook「North District 北區」

台女港鐵大戰內地客 最後灰機:香港人好唔團結!

由台灣來港生活幾年嘅李小姐,喺地鐵就睇唔過眼幾個內地人嘅行為,所以拍片放上Facebook群組「North District 北區」:「好聲好氣講又唔聽,係要搞到咁,其他人喺度食花生,最心灰的係隔離個香港男人起身之後叫我哋慢慢玩,鬧完再返番嚟坐」。

三人坐兩座

事情是咁的,一男兩女操普通話嘅內地乘客喺坐東鐵綫時,就三個人坐兩個位,搞到其他人擠逼難受。台女李小姐就叫佢哋唔好咁做啦,但個內地女就話「我們三個人坐一點點,我們三個人坐兩個位,對吧?」仲叫台女唔好坐!咩思維……

港男閃人

「唔怕醜吖嘛!唔緊要」「你拍什麼呀!」雙方爭拗期間,坐喺台女同內地客中間嘅港男決定閃人,仲話:「你哋慢慢玩」、「唔好影到我」。個內地男人隨即大笑,搞到好似係台女做錯咁……

附近不少乘客仲喺度笑,台女表示「港男唔幫拖就算仲要踩一腳」,嘆道「香港人真係唔團結」。

帖文引起不少網民留言,拍片台女亦補充指,「成車人喺度食花生,只有對面一個同樣被逼5人坐的阿伯出過兩句聲之後就唔講野,心灰,香港人真係唔團結」,有網民也表示認同,「灰心係香港人都唔幫番自己人吧,個個都漠不關心嘅樣」。另有人認為,「同呢啲人講道理係冇用㗎!直接鬧佢算啦!佢哋只會覺得自己啱晒!」、「無人想同佢肉貼肉咁坐呢!佢哋真係唔覺得影響緊人!」

睇片:

好瘦喎你哋!

Posted by 大娛樂家 on Tuesday, 11 September 2018