【澳牛畫家】台妹澳牛畫畫一小時被視為神蹟 網民：簡直係MISSION IMPOSSIBLE

台妹澳牛畫畫一小時被視為神蹟

網民：簡直係MISSION IMPOSSIBLE

大部分旅客去到澳牛都係為咗一嚐佢地嘅招牌「光速餐」，仲有親身感受吓澳牛員工嘅服務態度。而呢位台灣小女生就除咗食嘢之外，仲坐足一個鐘頭畫畫。佢將呢個經歷放上facebook群組「Urban Sketchers Hong Kong 速寫香港」同大家開心share後，有網民表示簡直係mission impossible！又大讚佢夠勇氣，就算作為本地人都未必夠膽咁做呀。

{香港旅繪 / Sketching tour of HK }

台灣小女生畫盡香港小店

其實呢位台灣小女生除咗去澳牛坐足一小時畫畫之外，亦有去到多個香港小店及名勝寫生。或者大家都可以趁住呢個機會，透過佢嘅畫作感受下香港嘅地道風味。

延伸閱讀：

平民去澳牛拍片被狂X兼趕出門口　知名KOL就任拍唔嬲？

其實係人都知，只有大肚婆喺澳牛有「VIP待遇」，可以慢慢食、慢慢行，但YouTuber Benjamin同日本人妻Momoko就話你知，原來唔止大肚婆有特別優待㗎！究竟佢哋口中嘅「一些YouTuber」係邊個呢？而Benjamin佢哋又拍出幾「真實」嘅一面呢？

未排隊先緊張

好啦，Benjamin同Momoko呢日去到澳牛，未排隊已經先緊張！真係好緊張！究竟佢哋所指拍到「最真實一面」係點呢？大家慢慢欣賞！！

終於入到去

好啦終於到Benjamin同Momoko入去啦，不過行得慢少少已經被人「問候」，待應哥哥呼喝道：「快啲！」

早餐光速上枱！

大家都知道澳牛出晒名光速上菜，Benjamin完全拍唔到上菜嘅一刻！

同人唔同命？

好啦，上文提到Benjamin話今次可以俾大家見到澳牛最真實一面，但同時「一些YouTuber」喺澳牛受到特別厚待，原來係講緊俄仔Ansheles同鄭金鈴(Ling Cheng)？

睇番Ansheles條片，原來佢之前曾帶過妹妹去澳牛，諗住感受下點樣食嘢都俾人鬧啦，點知個侍應哥哥見到Ansheles有講有笑，真係太陽由西邊升起！

好啦之後到鄭金鈴條片，又係有侍應哥哥認得佢，仲好聲講句「慢慢食！」呢句說話竟然會出自澳牛哥把口！

先睇Benjamin同Momoko「澳牛真實一面」：

同人唔同命之俄仔Ansheles

都係同人唔同命之鄭金鈴：