名牌散紙包

名牌散紙包遭囝囝當畫紙亂畫 原來畫中暗藏驚喜!

唔少小朋友都好鍾意拎起筆就畫畫,近日就有位小朋友竟然喺媽媽嘅名牌散紙包上畫公仔!媽媽見到個名牌散紙包被畫花就梗係即刻心都痛埋,不過其後先發現囝囝所畫嘅畫原來暗藏驚喜!

撰文:東方新地|圖片:Facebook

名牌散紙包遭囝囝當畫紙亂畫

最近,台灣一名媽媽喺網上群組發文,留言:「這樣孩子是否要揍屁屁?哪裡不畫找零錢包畫,媽媽已傻眼」並貼出一張名牌散紙包嘅相,相中嘅桃紅色散紙包右下角卻多咗一個由囝囝以原子筆畫上嘅一個帶笑嘅人形公仔!

名牌散紙包

據該名台媽指一開始發現散紙包被畫花時,曾試圖擦掉圖案,但之後就無奈放棄,仔細一睇先發現個公仔似財神,故笑言「兒子應該知道今天媽媽生日,所以特地畫了這個財神爺給媽媽驚喜」!

有網友就叫呢位媽媽千祈唔好發脾氣,因為囝囝識請財神爺嚟守護媽媽個銀包!

同時,亦有唔少網民話呢個公仔對於媽媽嚟講係無價,而且亦都好有紀念價值,因為呢個財神會係囝囝長大後兒時嘅一個小趣事之一。

讀者留言