女直播P圖太重手 廣告由姚明變馬雲！

撰文：東方新地｜圖片：微博

女直播P圖太重

最近，內地有位人氣用戶上載咗兩張於街上自拍的相片上網，並留言：「沒有美顏，這個世界可能要炸了」相中可見，女用戶於一幅大型廣告掛在商場的外場，而該廣告的代言人就是鼎鼎大名的籃球明星姚明！

廣告由姚明變馬雲！

大家可能睇第一張相並冇咩特別，不過，該女網民可能嫌相中的自己唔夠白同瘦，於是出招「P圖」！點知就出事了！唔P都好地地，一P可能太重手，就連姚明都瞬間變尖臉，望落姚明仲好似變咗Q版馬雲，認真爆笑！更因此成為網民的爆笑焦點

當然，一向眼利的網民都睇得出張相有問題，除咗俾大家知道佢P圖外，仲姚明成為網民的爆笑焦點！

結果，相片除於網上被瘋傳，呢位女網友亦同時被網民起底，發現原來該女網民來自上海，是內地直播平台「虎牙直播」的人氣直播主「萌太奇」，粉絲人數接近50萬。

有網民稱其實她的樣子其實都唔差，所以冇必要執相執得咁誇張，直指原本那張相已經很漂亮，P咗圖反而唔好睇，唔個大家又有冇同感呢？

仙氣KOL聲稱「零P圖」

黃喬恩修讀服裝設計，外表以清新甜美見稱，以仙女氣質走紅。佢畢業後更創立網上服裝品牌，自己一手包辦店長及模特兒，經營得有聲有色，直頭係Lilian Kan咁喎！

不過人紅自然是非多，近日有網民將佢接受其他訪問時嘅影片截圖，睇完佢未修圖嘅照片後，網民紛紛表示大失所望… 究竟係點樣？

照騙老是常出現

從截圖所見，發現佢無「P圖」完全係另一個樣！老態橫生、勁厚粉，雙眼比起平時相入面充滿「仙氣」嘅佢仲要再細一個碼，而且仲有唔少眼紋，簡直係個中年大嬸咁！

網民表示：瞬間由仙女變成大嬸。「照騙」呢回事老是常出現呀！

女神倪晨曦P圖失手

倪晨曦早前去歐遊影落唔少靚相，用心經營不同社交平台嘅佢都有不時同大家分享美照，大派福利。但最近佢就喺Facebook上傳咗呢張相，引嚟網民熱議！

倪晨曦大方回應

經常同網民互動嘅倪晨曦都好快發現咗網民嘅留言，亦大方喺自己Instagram嘅限時動態張貼咗網民嘅討論，竟然仲讚番網民好眼神？！

網民：女神識扭曲空間有乜出奇？

高手在民間！網民嘅留言往往都好精彩，甚至有人用「消失點」嚟分析呢張相！好似好Pro咁，拋窒小編啦⋯⋯

為咗整扁自己而P相？！

倪晨曦公開答案，原來係想將長方形嘅相變做正方形方便喺Instagram上傳，女神嘅思維果然與眾不同！

睇唔出嘅唔緊要，因為P扁咗嘅倪晨曦都一樣咁修長，小編一開始都發現唔到，所以為大家整咗張對比圖⋯⋯

做瑜珈女神

不過老實講，倪晨曦鍾意做運動又會教瑜珈，社交網站不時都會見到佢啲運動照，加上身高有成174CM，當然又修長又Fit爆啦！

身型Fit到爆，自然咩類型衣著都係咁好睇～