web-size15-1050×630

情人節表心意強國同胞有特別的送花技巧

東方新地 - 熱話

Feb 13 - 19:16

今日係2月14日情人節，呢個日子真係有人歡喜有人愁，無男/女朋友的人不停睇住人哋網上放閃固然無癮，不過有女朋友的可能就會為咗送花而費煞思量。要知道一枝花比平時貴幾倍，明知係揾笨，但唔買就好無誠意；買得少又唔夠面子，買得多又肉赤，真係好難搞！

撰文：東方新地

情人節表心意強國同胞有特別的送花技巧

情人節又到，近日網上流傳幾張相片話係強國人送花嘅方法，呢個時候大家就發現，幾靚的玫瑰花都比唔上呢兩紥用大量人民幣摺成的花，真係極盡土豪之能事呀！

情人節 — 情人節收花開心，但對強國人嚟講，收錢仲開心！

呢個由5蚊到100蚊都有，一張張捲到馬蹄百合嘅花形，你聞唔聞到陣陣香味？係銀紙香呀⋯⋯

情人節 — 情人節傳來銀紙香而唔係花香，囡囡會唔會嬲豬！

情人節 — 花呢樣嘢係配角，主角係大大疊嘅人仔，睇吓呢個一疊疊嘅銀紙整成個花形，望落都覺得好厚重，好有質感！

古語有云︰「錢唔係萬能，不過無錢就好頭痕！」香港人就好愁，不過財雄勢大的內地同胞就唔使擔心！

情人節 — 情人節無咁多時間，訂唔到銀紙摺的花？都無問題！花就照送，然後直接喺隔離放幾大疊銀紙咪得囉，既方便又快捷！相信個效果唔會比銀紙花差太遠！

猶記得《梟雄》入面喬傲天講過一句︰「金山銀山，都不及人情山。」不過小編依家都要講番句︰「天哥，你過時了。」

情人節 — 其實有愛嘅話，日日都可以係情人節啦！

關鍵詞