港鐵職員

惡中女辱罵:「廢人先做呢啲垃圾工」 港鐵職員冷靜一句KO!

照道理,唔少人都應該知單車入港鐵嘅閘機係需要拆轆,不過最近就有網民呻於港鐵工作期間遇上野蠻惡中女,指對方唔聽拆轆勸告,反而更辱罵樓主「廢人先會做呢啲垃圾工」,其後樓主一句冷靜回應,獲得唔少網民大讚!

撰文:東方新地|圖片:Facebook「西客之道 HIspitality」截圖、新傳媒圖片庫

惡中女辱罵:「廢人先做呢啲垃圾工」

日前,有自稱港鐵職員嘅網民於社交專頁表示,曾於工作期間遇上一名惡女乘客,推著「靚靚單車」入閘,於是樓主就關廣播提示該名乘客「單車入閘要拆轆」,但乘客扮聽唔到,故令樓主需要親自攔住對方,請佢拆轆。

港鐵職員

不過,對方竟然話樓主拆咪拆囉你咩態度呀?」又稱「我架車呀,都唔知你幾多個月人工呀!」聽到呢句,樓主仍冷靜回答對方「你畀人呃關我咩事?」

港鐵職員冷靜一句KO

結果,女乘客可能被激嬲,於是更侮辱樓主話「你呢嘅咁嘅廢人先會做呢嘅垃圾工,你慢慢坐啦你」。樓主仍然保持冷靜表示「你慢慢搬啦你,車站人多你小心啲喎」。

港鐵職員
Facebook「西客之道 HIspitality」截圖

雖然唔知大家對於呢件事有咩睇法,不過就有網民睇完都為樓主抱不平,指對方唔應該自以為自己有錢就高人一等,認為該惡女嘅行為係狗眼看人低!

有網友就叫樓主應該唔好理對方,由得仍就咁唔好拆轆入閘罰錢,亦有人和議指建議直接出告票!

延伸閱讀:

上演巴士大戰

近日有位巴士司機喺Facebook專頁「西客之道 HIspitality」出post,話佢想叫個阿嬸乘客講電話唔好咁大聲,點知俾個阿嬸鬧返轉頭之餘,仲有個阿伯無啦啦衝出嚟做「護花使者」,出言辱罵,於是一場巴士大戰隨即展開!

巴士

司機斥女乘客大聲講電話

話說個阿嬸喺巴士一直大聲講電話,巴士司機忍唔住就叫女乘客降低聲量,點知女乘客反問:「我講電話阻到你咩?」,司機爆seed:「係呀,你滋擾到我揸車呀。你由車尾就嘈到車頭,樓上都聽得到你把聲,你一係就收線,一係就我停埋部車比你傾飽佢」。

巴士

阿伯做「護花使者」

點知有個阿伯無啦啦出聲幫拖,辱罵司機:「你開車就開車啦,巴士公司冇出糧比你咩」、「你狗嚟架咋,收得人工就做嘢啦」。

最近好似都幾多阿伯做「護花使者」……

巴士司機霸氣一句KO 大快人心

巴士佬即刻霸氣回應:「係呀,巴士狗揸車比狗搭呀,而家有邊位趕時間自己落車啦,我唔可以專心繼續揸車,唔好意思」。阿伯聽完之後落車,巴士佬就問:「靜啦嘛?我繼續開車」。

唔少網民紛紛留言,力撐巴士司機,大讚佢嘅行為「大快人心」、「司機好型呀」、「霸氣」、「學到嘢,向同業致敬」:



火爆巴士佬用粗口叫阿婆上車

成日都話咩巴士佬、的士佬、小巴佬都好鬼火爆,不過今次呢單巴士佬用粗口話阿婆,冇俾網民鬧之餘,仲讚佢好有愛!事緣有個阿婆搭緊㗎駛去九龍城衙前圍道嘅巴士,本身阿婆想去九龍城廣場,但佢聽咗個女乘客講所以無啦啦落咗車,於是巴士佬就嚟料。

巴士佬除咗條安全帶,開前面車門鬧女乘客:「下個站先啱啊,你點教佢㗎?」巴士佬就爆粗:「呢個站行L死你啊!你上返嚟啦。」

阿婆上返車之後,巴士佬仲講多次:「呢個站行L死你啊!你扶住啦!」。雖然巴士佬真係好火爆仲粗口盡出,但阿婆都真係唔該晒佢。

唔少網民紛紛留言:「幫人都可以幫到爆晒粗?」、「我都聽唔到有人講粗口喎,只係見到好人司機一位」、「巴士佬好有愛」。

唔講咁多,去片!

https://www.facebook.com/698132263571269/videos/2001345603249922/

讀者留言