網民盤點：港女最鍾意懶係與別不同改嘅英文名
相信唔少朋友都見到啲古靈精怪嘅英文名，讀都唔識讀咁，都真係有啲老尷⋯⋯特別係有啲女仔鍾意改一啲懶係與別不同嘅英文名，可能係為咗彰顯自己（都唔多）嘅學識啦！有巴打就真係頂唔順公司女同事啲名，就係討論區度開Post傾，點知引嚟好大共鳴！大家又聽過幾多個呢？總有一個喺左近㗎⋯⋯
撰文：東方新地｜ 圖片：連登討論區、Instagram、影視截圖
巴打：發覺啲港女好鍾意改啲懶係與別不同嘅英文名
事緣有巴打就發現公司有啲女同事好鍾意叫啲好「特別」嘅英文名，但最搞唔掂嘅係已經多到撞完名，仲要撞埋姓嘅地步⋯⋯
內文如下：
改cindy呀mary呀個啲行名唔X得架
一定唔可以同人撞名
點知今日公司請左個新同事叫Anastasia
但公司已經有三個Anastasia 仲要連姓都撞X左兩個
其實小編心目中嘅Anastasia，係電影《格雷的五十道陰影》入面嘅女主角！
仲有俄國沙皇嘅公主都係叫Anastasia⋯⋯
讀都唔識讀系列：
唔係小編唔想讀，小編真係唔識讀啊⋯⋯
有冇考慮過人哋叫自己會點系列：
假設小編叫「Baby」，如果老細親切地呼喚小編的話，畫面太美實在不敢想象⋯⋯
食物系列：
唔少港人嘅英文名都同食物有關，表表者就當然有身型Fit到爆嘅Coffee啦！
水果名都真係又一熱門之選嚟⋯⋯蘋果、芒果呢啲真係見唔少㗎！如果有朋友中文名叫「陳蘋果」或者「張芒果」咁，都真係幾有趣⋯⋯
或者叫啲基本唔係人名嘅英文名⋯⋯想象下有人叫「黃空氣」或者係「李氧氣」咁，小編就不了！
