精選Apple Pay六大優惠

精選Apple Pay六大優惠 7仔送咖啡筍呀

熱話

廣告

今日Apple Pay正式登陸香港!而本地多間銀行滙豐、星展、渣打香港、中銀香港等銀行宣布,今日開始可以用Apple Pay服務付款,而且亦順勢推出不同優惠吸客,到底有咩筍嘢、邊幾間最so?另外,今日下午3點至4點到7仔以Apple Pay消費,便免費送你咖啡一杯,筍呀!

其他文章︰

歐陽震華男一之路

獲邀飯局 阿雪︰1000萬都唔去!

Apple Pay有幾方便?

Apply Pay透過iOS機種付費,暫時支援iPhone 6或以上型號、iPad Pro、iPad Air 2、iPad mini 4、iPad mini 3。開始用Apple Pay前,先要在Wallet App內新增信用卡資料,到各大銀行指定商戶的收費櫃位結算時,即使在鎖屏情況下,只要按兩下Home Button,然後選擇想用的信用卡,再輕觸TouchID並將iPhone靠近具NFC功能的收費機就完成。

至於Apple Watch的付費方式就更簡單,由於Apple Watch內置感應器,每次戴上Watch時都會要求你輸入密碼驗證身份,確保手錶不會被別人拿來付款。當到商店購物時,只要按兩下錶側Side Button就會出現信用卡畫面,再將錶面貼近收費機即可完成交易,整個過程完全毋須拿出iPhone。

7仔飲免費咖啡

7-11便利店亦推出Apple Pay優惠,只要於今日下午3點至4點以Apple Pay及已登記嘅滙豐信用卡簽賑滿$30,即可獲贈Daily Cafe泡沫咖啡優惠券一張,免費請你飲咖啡!

滙豐送$10優惠券

攜滙豐信用卡到7-11、萬寧、美心MX、美心西餅及Pacific Coffee以Apple Pay付款,即享$3至$5折扣優惠,而到萬寧消費可選$10現金優惠券,而且以Apple Pay去任何支援商戶作$30單一交易3次,就可享額外$10「獎賞錢」。有讀者指若到7-11購物滿$100,用滙豐信用卡經Apple Pay付款$97,若購三件貨價值$100,每件過$30分三次俾錢,折扣後每件最多俾$27,加埋最多俾$81,慳足$19!而且次數不限,買得多慳得多!

恆生卡即送$20 Cash Dollars

恆生銀行信用卡客戶,只要於7月26曰前將信用卡加入Apple Pay賬戶內,即獲$20 Cash Dollars。另外,即日起至9月30曰,打電話上熱線登記後,以恆生信用卡到指定商戶以Apple Pay付款,購物滿$500或以上,即獲額外$50 Cash Dollars,之後用 Cash Dollars當錢使,爽!

中銀最多送10倍積分

中銀香港由即日起至9月30日,首5次以信用卡透過Apple Pay作任何消費,有機會獲得10信簽賬積分獎賞!不過,此優惠只適用於首3萬名合資格客戶,手快有手慢無!而且每名客戶最多只可獲得18,000簽賬積分,簽得多未必so!反而另一優惠更實際,即日起至8月31日,到全線百佳或屈臣氏以Apple Pay購物滿$500,可獲最少$60百佳現金券,而在五、六、日及公眾假期於香港全線屈臣氏單一簽賬滿$500,可享總值$100屈臣氏現金券,而上述兩項優惠如以 Apple Pay付款更可額外獲$10百佳或 屈臣氏現金券。

DBS 50%回贈

DBS星展銀行信用卡客戶,只要於8月19日前將相關信用卡加入Apple Pay,並到指定商戶包括百佳、屈臣氏等消費,最多可獲50%回贈!但要留意每位賬戶持有人最多只可獲$50現金回贈,所以如果大家有多過一張星展信用卡係手,先可以拿盡最多回贈。此外,在其他支援以 Apple Pay付款的商戶以Apple Pay俾錢,都可以享有20%回贈。

渣打享 25% 現金回贈

渣打銀行信用卡客戶只要透過Apple Pay到指定商戶付款,便可獲25%現金回贈,但要到官網預先登記才可以享有優惠,而且每位客戶回贈上限為 $150,吸引力一般!

 

全文完