糖果店

野蠻港媽踩場鬧爆糖果店老細 「老細」一句霸氣擊退對方!

熱話

廣告

日前,有糖果店老闆指遇到一名怪獸家長的無理投訴,斥店內糖果「冇蔬果味」,並質疑「我個仔點可以吸收到營養啊?你知唔知佢會食壞肚架!」,最後老細一句霸氣K.O.該名怪獸家長!

編輯:東方新地|原文:SundayKiss|圖片:Facebook「西客之道 HIspitality」截圖

野蠻港媽踩場鬧爆糖果店老細

有糖果店老闆近日投稿至Facebook專頁「西客之道」,指早前遇到一位媽媽火爆闖入糖果店踩長。一甫入店即大呼「叫你老細出嚟」,並向店員投訴「上次我個仔幫襯你哋,夾咗袋糖,但全部都係糖,綠色嗰啲又無蔬果味,我個仔點可以吸收到營養啊?你知唔知佢會食壞肚架!」

嘗試解釋:「其實糖果唔係蔬果」

面對「無理」投訴,樓主唯有無奈地嘗試解釋,「綠色糖其實有好多款,但主要都係糖果而唔係蔬果,不如試下俾多啲菜同生果小朋友食?」聞言,港媽突然發難,拍枱大罵「你咩態度啊?我點湊仔唔使你教,你叫你老細畀個交代嚟!」

一句話霸氣擊退怪獸家長

樓主唯有致電給另一同事,並在店內用擴音通話大罵怪獸家長「你估我好得閒啊,你個仔唔食菜關我L事……寧願畀糖自己個仔食都唔買菜,知唔知個醜字點寫啊?」,之後樓主因該名野蠻港媽仍死撐,最終一句「我老細係就係開門做生意,但明顯係唔做你生意囉」終令港媽「面子」不保,最後在一眾客人的目光下「歡送」離場!

店遇「無理」客人絕非偶然

樓主更指,店內常有小客人「玩糖」(即係夾完唔買),更指上述港媽的小孩亦曾到店內「玩糖」。儘管家長在場,亦不自覺阻攔、制止小孩這些「無素質」行為,為了防止此類情況樓主唯有在糖果櫃貼上 告示牌:「糖果櫃內糖果,一經夾出,視為購買」。

惹起網民熱議

這則帖文隨即引起網民熱議,有人揶揄「長知識鳥,食糖吸收營養」、「依家先知夾夾下糖都可以夾到蔬果」、「蔬菜味糖就真係用蔬菜做嘅咩…豬豬」。

另有網民留言「食糖仲要講營養?咁不如唔好食啦!另外,真心覺得個老細罵得好!」、「真係好痴線!想食菜就買菜啦!買乜X嘢糖呀!」、「去夾糖店想夾菜呀」。

另一方面,亦有網民笑指文中嘅老細原來「真係唔係老細」,認真搞笑!

延伸閱讀:

惡中女辱罵港鐵職員:「廢人先做呢啲垃圾工」

日前,有自稱港鐵職員嘅網民於社交專頁表示,曾於工作期間遇上一名惡女乘客,推著「靚靚單車」入閘,於是樓主就關廣播提示該名乘客「單車入閘要拆轆」,但乘客扮聽唔到,故令樓主需要親自攔住對方,請佢拆轆。

不過,對方竟然話樓主拆咪拆囉你咩態度呀?」又稱「我架車呀,都唔知你幾多個月人工呀!」聽到呢句,樓主仍冷靜回答對方「你畀人呃關我咩事?」

港鐵職員冷靜一句KO

結果,女乘客可能被激嬲,於是更侮辱樓主話「你呢嘅咁嘅廢人先會做呢嘅垃圾工,你慢慢坐啦你」。樓主仍然保持冷靜表示「你慢慢搬啦你,車站人多你小心啲喎」。

雖然唔知大家對於呢件事有咩睇法,不過就有網民睇完都為樓主抱不平,指對方唔應該自以為自己有錢就高人一等,認為該惡女嘅行為係狗眼看人低!

有網友就叫樓主應該唔好理對方,由得仍就咁唔好拆轆入閘罰錢,亦有人和議指建議直接出告票!

延伸閱讀:

上演巴士大戰

近日有位巴士司機喺Facebook專頁「西客之道 HIspitality」出post,話佢想叫個阿嬸乘客講電話唔好咁大聲,點知俾個阿嬸鬧返轉頭之餘,仲有個阿伯無啦啦衝出嚟做「護花使者」,出言辱罵,於是一場巴士大戰隨即展開!

司機斥女乘客大聲講電話

話說個阿嬸喺巴士一直大聲講電話,巴士司機忍唔住就叫女乘客降低聲量,點知女乘客反問:「我講電話阻到你咩?」,司機爆seed:「係呀,你滋擾到我揸車呀。你由車尾就嘈到車頭,樓上都聽得到你把聲,你一係就收線,一係就我停埋部車比你傾飽佢」。

阿伯做「護花使者」

點知有個阿伯無啦啦出聲幫拖,辱罵司機:「你開車就開車啦,巴士公司冇出糧比你咩」、「你狗嚟架咋,收得人工就做嘢啦」。

巴士司機霸氣一句KO 大快人心

巴士佬即刻霸氣回應:「係呀,巴士狗揸車比狗搭呀,而家有邊位趕時間自己落車啦,我唔可以專心繼續揸車,唔好意思」。阿伯聽完之後落車,巴士佬就問:「靜啦嘛?我繼續開車」。

唔少網民紛紛留言,力撐巴士司機,大讚佢嘅行為「大快人心」、「司機好型呀」、「霸氣」、「學到嘢,向同業致敬」:

火爆巴士佬用粗口叫阿婆上車

成日都話咩巴士佬、的士佬、小巴佬都好鬼火爆,不過今次呢單巴士佬用粗口話阿婆,冇俾網民鬧之餘,仲讚佢好有愛!事緣有個阿婆搭緊㗎駛去九龍城衙前圍道嘅巴士,本身阿婆想去九龍城廣場,但佢聽咗個女乘客講所以無啦啦落咗車,於是巴士佬就嚟料。

巴士佬除咗條安全帶,開前面車門鬧女乘客:「下個站先啱啊,你點教佢㗎?」巴士佬就爆粗:「呢個站行L死你啊!你上返嚟啦。」

阿婆上返車之後,巴士佬仲講多次:「呢個站行L死你啊!你扶住啦!」。雖然巴士佬真係好火爆仲粗口盡出,但阿婆都真係唔該晒佢。

唔少網民紛紛留言:「幫人都可以幫到爆晒粗?」、「我都聽唔到有人講粗口喎,只係見到好人司機一位」、「巴士佬好有愛」。

唔講咁多,去片!