ostgftimage

催淚彈、二噁英23條常見清洗問題 FAQ!化學博士K Kwong 專業解答無私分享

近半年催淚彈於香港各區頻頻發射,催淚氣體濃度增加、於社區漫延殘留,不但波及附近居民,引起大量關於污染、殘存、清洗的疑問,香港大學化學系博士,前中文大學講師 Dr. K. Kwong(鄺士山博士) 最近頻頻向社會大眾解釋關於催淚彈「二噁英」的種種影響,為了令知識更普及,最近Dr.Kwong 整理了13條關於催淚彈的常見問題FAQ和答案,想知道「二噁英」有幾毒、對大家的健康有多大影響,現在由編輯整理分享,一文解說!

資料來源: K Kwong |圖片:香港電台、衛生署、新假期

【化學博士K Kwong 解答:催淚彈 FAQ 常見問題】

【Q01: 如何清洗皮膚上的 CS / 二噁英?】

(所謂清洗,即洗走帶有CS / 二噁英嘅塵粒,以下各題類同)
K: 用水+番梘沖洗10-15分鐘

【Q02: 用咩番梘?梘液得唔得?】

K: 最普通嗰啲番梘已得,梘液都得,冇所謂 (唔用酒精,唔用BB油)

【Q03: 如何清洗個人衣物上的CS / 二噁英?】

K:- 嚴重污染 (超濃味,一索件衫就咳):棄置
– 少量污染嘅衫:
Step 1 如果見到粉末就先用黐塵紙轆
Step 2 用流水沖洗 (** 勿用高壓水以免濺起受污染粒子)
Step 3 獨立用洗衣機洗 (** 勿溝其他非污染衣物) (用普能洗衣粉就得)
Step 4 洗衣機空機再洗一次
– 少量污染嘅鞋,袋:
戴手套,濕紙巾抹表面,之後再用流水沖洗

【Q04: 邊種濕紙巾?】

K: 最普通嗰啲,只有水份(有D有少少清潔劑 ok),最好無其他成份如酒精。

【Q05: 如何應對住所外有催淚彈?】

K: 關窗,黐膠纸,等,勿用明火煮食,放心,唔會咁易焗死,因為你出入都開門有新鮮空氣。

網民紀錄,香港催淚彈地圖。
網民紀錄,香港催淚彈地圖

【Q06: 如何清洗家居內 (或學校內) CS / 二噁英?】

K: 開窗,戴手套,用濕紙巾抹,再用洗潔精加水抹多次
(** 勿用吸塵機,因排氣時會將污染粒子吹到更多地方)
(** 勿用漂白水,因會出含氯有機物,更毒)

【Q07: 經過受催淚彈污染嘅地方,戴口罩有冇用?】

K: 口罩有助減少吸入黐咗CS / 二噁英嘅粒子 (但隔唔到氣體) 都算有用

有媒體發現,環保署被指自9月起,未有在其網頁發放周邊二噁英數據,官方表示,9月份數據沒異常,10月份收集的樣本仍在分析。

【Q08: 市民家居清潔CS塵粒用咩口罩好?】

K: 普通外科口罩已做到基本效果

【Q09: 空氣清新機可以去除CS / 二噁英嗎?】

K: 可以去除黐咗CS / 二噁英嘅較大粒子,但有可能喺後面噴到全屋小粒子 (自己諗)。如好多塵,要定期適當清洗filter (戴口罩)。但如開窗就冇必要用。

【Q10: 咩空氣清新機好?】

K: 最基本嗰啲已做到以上效果,唔好信有啲咩特異功能嘅機,果啲「光分解機」不可短期分解到二噁英,而CS自己都會分解。即係除臭同分解甲醛外冇乜用。

【Q11: 催淚煙 / CS可以吹到幾遠?幾耐先散?我住XX樓會唔會吸到?】

K: 有資料話可去到幾百米,但實際要視乎風向。有啲數據話如果一粒正常大細嘅催淚彈爆咗,50米外15-30分鐘就會冇咗CS效果 (因為已經沉下,100-200米外就安全;我估計二噁英都係咁上下)。但全世界得香港放咁多催淚彈,人口又密集,所以影響必定比外國數據更大。依家香港冇數據,只能靠估。

十月尾,屯門防暴警清場時,將催淚彈射上兆軒苑七樓,走廊煙霧瀰漫,直接影響居民。

【Q12:咁HCN山埃氣呢?好毒喎】

K:HCN真係好毒,但比空氣輕,你係屋企或者行過戰區都冇咁易中到。但太多HCN代表CS分解程度高,產其它毒嘢如二噁英、PCB、PCT亦高昨!

【Q13: 雨水能否沖走街上CS / 二噁英?】

K: 可以,去咗海,不是水塘。因為未有試過係集水區放催淚彈呢!

【Q14: 雨水沖走啲CS / 二噁英,會否污染食水?】

K: 入污水渠落海,唔會污染食水

【Q15: 雨水沖走啲CS / 二噁英落咗海,食魚有冇事?】

K: Dilutional effect (即溝稀咗),CS / 二噁英到海嘅劑量不大,若非日日食同一個來源嘅魚,估計影響不大

【Q16: 懷疑受催淚彈影響嘅生果,食唔食得?】

K: 厚皮生果 (如西瓜,蜜瓜) 用流水清洗,我會食;連皮食或大表面面積嘅生果 (如士多啤梨,藍梅) 我唔會食。

【Q17: 二噁英係四圍飄定沉落地面?】

K: 黐落塵粒或任何固體/液體,塵粒最後沉落地面或物件表面,最少10年先分解一半。

【Q18: 燒膠會否出二噁英?】

K: 講咗好多次,要有氯嘅膠如PVC造嘅膠先會燒出二噁英!唔該睇番原篇解釋,勿斷章取義

【汪 Sir 話係燒膠同雜物產生二噁英,入示威者數咁喎】咪住!(1) 要燒到出二噁英,要有氯 Cl 同 有機物及温度高。(1) 燒乜膠先燒到有二噁英呢?主要有PVC 【3號膠】(少部份深色嘅膠桶,電線),佢有氯,有機物)。 PVC…

Posted by K Kwong on Friday, November 15, 2019

【Q19: 吸咗催淚氣管好唔舒服點算?】

K: 我自己中過最甘果次5分鐘都郁唔到,乜水都流,但洗眼5分鐘後已經冇乜事,但個肺痛咗2日,冇睇醫生。當然個個人身體唔同,你如果好唔舒服要去睇醫生。

11月13日晚,警方於元朗民居之間發射大量催淚彈,人群散去,樓上居民卻仍要面對殘留氣體的困擾。(網上圖片)

【Q20: 接觸咗催淚皮膚好痕/出疹點算?】

K: 唔好R,搽止痕膏 (我用薄荷膏)。BB就咪俾佢R,亦咪用乜膏物膏。當然好唔舒服要去睇醫生!

相關文章:接觸催淚煙後的簡易處理方法 衛生署:催淚煙影響市民生理和心理健康

【Q21: 吸咗催淚彈對胎兒有幾大影響?】

K: K Kwong唔係咁識Bio (except reproduction)。要等各位醫生代解答。但以前啲資料話二噁英導致畸胎,係好長期接觸,唔係幾日幾月嗰啲喎!

【Q22: 吸咗催淚彈可唔可以餵人奶?】

徒弟Winnie Chan代答: 衛生署話2個鐘內唔餵得人奶。二噁英屬油溶性,會積聚喺人體內油脂細胞,包括母乳,但正路冇咁快入到奶。未有人做過呢種實驗,冇確實答案到底吸幾多就餵得/唔餵得。不過有一點可以肯定:如果自己皮膚有CS微塵,可以餵奶時被BB吸入!

【Q23: 催淚彈令經血變黑色點算?】

醫生代答: 如淨係經血顏色異常,無其他病徵 (如經期日子唔啱,非經期日子出血,或其他系統症狀) 醫生問清楚病歷同做檢查後,應該都冇咩可以做到。當然私家嘅話可以自費照吓超聲波確保結構上冇問題,但如果排公立分分鐘要排一兩年先第一次見到醫生,照超聲波或者要再排,短期內幫唔到件事。

第二部份。網民跟進提問及建議:

Q1: 老師,想請問廚房抽油煙機條喉點算?咁大個口,啲催淚煙會唔會由呢度入屋?可以點處理?謝謝

K Kwong : 我估入到,不過立即黏住D油

Q2: 想問下催淚氣體可以飄幾高啊?屋企有小朋友、最近又咳又出紅點,唔知關唔關前幾晚屋企樓下射左幾粒彈事,隔左幾個鐘成廿幾樓都仲聞到好臭,都唔知係咪副作用,好擔心啊!

K Kwong : 最遠可達100-200米,約33-66層,但應該十零分鐘散

Q3:學校係咪應該盡快換上冬季校服,減少皮膚接觸污染物既範圍呢?容許女同學著褲係咪較好?特別係受汚染嚴重地區的學校。

K Kwong : 好提議

Q4:平時小朋友查止痕個啲得唔得?又係涼涼地

K Kwong : 我用緊

Q5: 而家香港水含有氯氣成份,其實香港人用清水洗有冇問題?

K Kwong : 水喉水太少太少氯

衛生署:清潔家居用品時,利用清水加上肥皂濕抹家居,不應使用熱水抺洗,避免令催淚煙殘留物蒸發。
處理接觸催淚煙徵狀時,應以大量清水和肥皂徹底清洗所接觸的身體部位,如果不慎傷及眼睛,即以清水或生理鹽水沖洗。(圖片來源:香港賽馬會災難防護應變教研中心 )

圖片來源:K Kwong 的手繪漫畫