sexy_15951183455b3f517734e76_5944795555b486f75d206c

事業線已經out晒?3個「新崛起的性感部位」

係你心目中點先為之性感?豐滿的上圍還是圓渾的臀部?多數人都覺得胸部係女性最有魅力嘅部位,亦係性感與否嘅關鍵,但係近年就有外國專家陸續推翻呢個迷思,發現女性身上越細微嘅部位,反而更能勾起男性慾望。大陸媒體《生命時報》之前就整合了3個外國專家提出的新崛起性感部位,睇完下文小心唔好眼甘甘望住你啲同事啊!(奸笑)

撰文:Charmaine|圖片:Instagram|編輯:乖乖隆地洞@central

1. 副乳

香港女性就一向都最怕有副乳,咁其實副乳就係兩側乳房靠近腋窩位置嘅小肥肉,對好多歐美女星而言,露出副乳被認為係性感部位嚟,所以會以背心穿搭露出若隱若現嘅副乳,令一眾男同女fans都鼻血直流。

性感部位, 性感, 副乳, 嘴唇性感部位, 性感, 副乳, 嘴唇

2. 下背

英國西蘇格蘭大學心理研究證實,男人望女人嘅第一眼並唔會直接望胸部,而係身體嘅曲線,尤其係腰部嘅線條,而影響曲線最關鍵嘅就係下背部,所以有唔少女性去健身房就係想要鍛鍊背部,只要不再虎背熊腰,咁就著咩衫都又靚又好睇啦!

3. 嘴唇

英國曼徹斯特大學嘅另一項研究發現,如果以臉部嚟睇,男性目光會停留係嘴唇上7秒,眼睛同頭髮嘅時間就唔夠1秒。由此可見女人買多啲唇膏、成日搽潤唇膏係冇錯嘅!既然係性感嘅象徵,當然要好好保養扮靚啦!

 

不過咁,雖然女為悅己者容,但係只有性感嘅身軀係唔夠嘅,除咗外貌同外型之外,笑容同性格都係最能吸引異性嘅野嚟㗎!總而言之,如果想對方鐘意自己,記得唔好一味靠露,以免適得其反,投其所好同保護自己都好重要。