清洗毛巾

毛巾暗藏細菌 ! 必學5招清洗毛巾大法

每天洗完面擦乾面後都感到很乾淨清爽?當你以為每天洗臉就等於洗毛巾,然後一條毛巾用到爛的時候你就麻煩大了。有沒有想過其實用來擦臉的毛巾其實暗藏大量細菌,每天放在浴室那麼潮濕的地方,其實就是細菌的「養生之地」。一起看一下怎樣清洗毛巾才是正確吧。

原文:more

編輯:Sunday Kiss
Text:C Lam|Photo:新傳媒圖片庫

毛巾暗藏細菌 !

北京大學人民醫院做了一個實驗證明,一條使用超過3個月以上的毛巾,細菌的數量超過1萬,而6個月的毛巾則有差不多1百萬,兩年以上的話已經數不清了。

清洗毛巾
使用超過3個月以上的毛巾,細菌的數量超過1萬。

在毛巾中最常見的細菌包括金黃色葡萄球菌、白色念球菌、大腸埃希菌等,輕則引起皮膚瘙癢、長斑等,重則致肺炎、敗血症等。

5招清洗毛巾大法

1| 高溫消毒毛巾

大概每一個月煮一次毛巾,將毛巾放入鍋中,用開水煮15分鐘,水量要沒過毛巾,煮好後待水冷涼,然後再用清潔劑清洗,洗完後則拿到太陽下曬乾。如果覺得煮開水有點麻煩,可以在清洗完毛巾之後,拿到微波爐叮5分鐘,同樣有高溫消毒效果。

清洗毛巾

2| 用醋與梳打粉去味

當按照一般洗衣程序洗衣時,在洗衣機中加入2匙白醋,也可加適量熱水,這時不要加入洗衣粉、柔順劑或其他任何東西,直接開動洗衣機清洗。清洗程序結束後,可加入少許洗衣液或梳打粉再洗一次,便可以去除大部份異味。去味前先檢查洗衣機本身有否異味,如果有的話,可加入熱水和2個樽蓋份量的漂白水,切記在運行洗衣機時,不要放任何衣物進入洗衣機內。

清洗毛巾
加入熱水和2個樽蓋份量的漂白水

3| 用粗鹽搓洗令毛巾變軟

當你摸到毛巾已變得黏黏滑滑的或變硬時,可以在水中加入鹼性清潔劑或粗鹽搓洗,洗完後再用清水沖洗乾淨,粗鹽同時能夠去除毛巾的異味。

清洗毛巾
粗鹽能夠去除毛巾的異味

4| 洗米水清洗

平時洗米時的水不要倒掉,將洗米水水量存到能淹沒毛巾,然後將毛巾放入洗米水裡浸泡一小時,毛巾就會變得白淨而柔軟。

將毛巾放入洗米水裡浸泡一小時,就可變得白淨而柔軟。
將毛巾放入洗米水裡浸泡一小時,就可變得白淨而柔軟。

5| 檸檬水清洗

先將檸檬切片,然後放入鍋中加水煮開,然後用煮好後的檸檬水清洗毛巾,可以清洗毛巾上的頑漬。

用煮好後的檸檬水清洗毛巾,很有效!

除咗毛巾之外,以下6件日用品都需要定期更換,因為使用過長時間有可能會滋生細菌,所以爸爸媽媽們就唔好偷懶,唔好等有污漬先換啦!

1. 牙刷

牙刷係我哋每一日都會接觸嘅日用品,刷牙後牙刷唔單止有水,亦有食物殘渣,長期將牙刷放置喺潮濕嘅洗手間好容易滋生細菌。再者好多人沖廁嘅時候冇放下廁所板嘅習慣,沖廁嘅時候廁所水帶來嘅細菌亦會依附喺牙刷上面。因此牙刷使用3個月左右就需要更換!

2. 枕頭

好多人都會定期更換枕頭套、被套,但忽略咗枕頭芯。枕頭長期累積細菌,除咗未清潔嘅頭髮細菌、仲有可能沾有口水同汗,形成一個天然嘅細菌溫床,唔單止會出現塵蟎,仲可能有曲黴菌。因此建議每3-4星期要清洗一次枕頭芯,一年左右就需要更換。

3. 隱形眼鏡盒

雖然唔係個個都有帶隱形眼鏡,但有佩戴隱形眼鏡嘅人就需要留意!隱形眼鏡同眼睛接觸密切,有細菌會影響眼部健康,後果可以好嚴重。隱形眼鏡盒用耐咗盒嘅邊邊會有污漬,好多人會下意識用水喉水沖乾淨,但未抹乾水喉水就使用,水喉水嘅細菌就會混入穩形眼鏡護理液入面,導致細菌滋生。建議每3個月就要更換。

4. 百潔布海綿

屋企有煮飯嘅家庭屋企一定會有百潔布海綿,用來清洗碗碟嘅污漬。但好多人習慣使用後將百潔布海綿放喺洗碗槽側邊,潮濕嘅環境容易滋生細菌,再次使用就會將細菌帶返落碗碟,影響健康,甚至導致產生沙門氏菌。建議每一個月就需要更換百潔布海綿。

5.易潔鑊

易潔鑊慳油,係好多家庭主婦必備嘅廚具。但有研究顯示,易潔鑊喺高溫加熱嘅情況下有可能釋放有害物質,影響健康。所以一旦易潔鑊表面受損就必須要更換。

6.沐浴球

唔少人都會用沐浴球幫手起泡,美聯社曾報導,一個沐浴球上藏著72億個細菌,而且亦會沾有洗手間嘅細菌,非常不潔。建議每3-4星期就需要更換。