_17649524685b2f9b22e361b

港女搭地鐵俾人掂咗下放上網公審 網民:摷褲袋都叫摸佢真陰公

香港人成日小小事就放人上網公審,不過公審人之前都要搞清楚係咪自己岩晒先呀,唔係就會好似今次呢位小姐咁,以為公審人,點知令到大批網民起底公審返轉頭!小姐,你太年輕了,以為刪post退谷就無事,巴打們已經開多幾個post跟進啦!

撰文:環球膠報|編輯:師姐Blog開野@central

港女搭地鐵俾人掂咗下 放上網公審人

港女搭地鐵

事情其實係由呢張相而起,一名女子Angel Chan喺大埔開咗個Post,話坐港鐵時隔離個男人「掂到佢」,又無講對唔住,仲話個男人反問佢:「你唔係以為我特登掂你下話」,跟住就走咗去企喺門口位。

港女搭地鐵

之後個男人打電話同fd呻,話有同事主講對唔住,仲話事主唔岩乜乜乜,事主即刻發火:「信唔信我post你上facebook呀」好明顯真係post咗啦!

港女搭地鐵

不過公審結果不似預期,無人支持事主,個個都話「唔覺意掂到唔講嘢都要比你公審?」、「樓主唔出街咪冇人掂到你囉」

之後仲俾人起埋底,真正的是你公審人,人亦能公審你!

不過有巴打突破盲腸提出點解有人睇到事主啲相,而有人睇唔到?

講講下,大家綜合咗一個結論,就係事主平時應該都好黑人憎,有朋友睇唔過眼出賣事主!

邊個出賣事主?我地梗係要保護證人啦,所以呢度係唔會爆佢出黎!

講返事主,過咗幾個鐘,事主見無人撐佢,仲俾人公審返轉頭,真係del post,有巴打就話:玩爛咗件臭。。。係玩具先真XDXD

講講下,有目擊者出現,話當時見到個男人係摷自己褲袋,唔覺意掂到條港女,咁都得罪事主,真係陰功!

有人覺得事主應該係嬲人地摷自己都唔摷佢!

其實睇完事主個樣,大家覺得係男人俾人非禮多

不過有摩擦力強既網友就指,明明事主個老公同佢一齊,點解一直無出聲呢?唔通另有內情?

其實佢老公明明坐喺隔黎位,只要調位俾老婆坐邊位,就唔會有咁既事發生啦,點解唔調位呢?

好中肯既巴打表示:其實佢老公都幾骨格精奇,有可能同佢思考能力有關!btw女人結婚相真係唔好信XDXD

兩條友仲要唔識字,「倆父妻」?亂倫咩?

有網民建議以後坐火車只全每卡單丁嗰4個位,咁就唔會比人掂到啦!

最後仲令到事主退埋谷!

睇返事主Angel Chan退谷前最後留言:

其實呢個故事教訓大家,唔好咩都放上網公審,自己柒咗都唔知真係死得啦!

不過如果生活上真係遇到委屈(唔係俾人掂下咁)、感情上遇到狗公、賤男或臭雞等,需要申訴嘅你,【香港公審聯盟】幫到你!