紙杯減肥法

3個紙杯減肥法|韓星力推瘦身餐單 勁減32公斤

不知不覺夏天將至,又係時候露腰露腿露好身材!冬天唔小心食多咗,肚皮幾層肥肉唔夠膽去沙灘,一於學學韓國出名的紙杯減肥法啦!由韓星朴寶藍帶起熱潮的「 紙杯減肥法 」,唔使辛苦做運動,唔使食得淡而無味,仲可以密密食,就成功減甩32公斤!

原文:GOtrip|撰文:WW|圖片來源:網上圖片


韓星朴寶藍力推!紙杯減肥法 勁減32公斤!

朴寶藍以前參加新秀嘅時候仲係肥妹仔,後來勁減32公斤,搖身一變變成索女,連粉絲都差啲唔認得佢。後來朴寶藍公開餐單,話自己每餐嘅分量都係3個紙杯。原來就係用咗紙杯減肥法的概念,唔通真係咁有用?

紙杯減肥法
圖片來源: EtToday

紙杯減肥法
圖片來源: EtToday

寶藍嘅餐單其實1日分5餐食。早餐食番茄、紅薯、雞胸肉同1杯菜。午餐就剩係食雞胸肉沙律。下午茶可以食1隻香蕉、3隻蛋白同1隻蛋黃。晚餐就食番薯1個、半杯雞胸肉再加1杯菜。宵夜食一隻香蕉、2隻蛋白、1隻蛋黃同3粒核桃。每餐都唔超過3個200ml紙杯嘅分量。而韓團Nine Muses都係實行緊紙杯減肥法!

紙杯減肥法
朴寶藍嘅日常餐單。 (圖片來源: 網上截圖)

紙杯減肥法
圖片來源: Kpopeurope

紙杯減肥法概念

「紙杯減肥法」需要3隻大約200ml的紙杯,而早、晚澱粉質、蛋白質同纖維嘅攝取量分配都有分別!

 

早、午餐:

可以攝取1杯碳水化合物,例如米飯、麵食、薯仔等等,加1杯蔬菜和1/2杯肉類(蛋白質)。每餐平均食2杯半嘅分量。


如果真係忍唔到口好想食下午茶,就可以選擇食水果同飲一杯低脂高鈣牛奶,有飽腹感又唔肥!

圖片來源:matome.naver.jp

晚餐:

就要將1杯碳水化合物減至1/2杯,其餘不變。即是只能夠有2個紙杯分量嘅晚餐。

圖片來源:matome.naver.jp

總結:

呢個紙杯減肥法,聽落其實都有少少harsh,不過從來想靚都冇可能不勞而獲,大家可以考慮下呢個方法適唔適合自己,又或者久不久轉下減肥方法,都會減低半途而廢的機會啊!

$300樓下鬆一鬆 12間精品按摩店

去除頑固黑頭 只需1瓶凡士林+1枝棉花棒