江若琳

江若琳 蕭潤邦:我們在最好的時間遇上

江若琳與蕭潤邦由十年朋友變戀人,並將於年尾結婚,兩人在訪問中甜爆剖白相戀經過,以及婚後生B的時間表。

撰文:東方新地|圖片:新傳媒圖片庫、江若琳IG

江若琳 蕭潤邦 上海定情

問蕭潤邦同江若琳拍拖時間唔算長,點解咁快認定對方?蕭潤邦答:「因為我哋識咗好耐,大家亦都唔係第一次拍拖,我覺得最緊要大家生活節奏、方向一樣。 哋係同年出道藝人,有個群組,上年我去上海交流飲食,佢喺上海拍緊戲,就約食飯,嗰次首次單對單傾偈深入好多,嗰餐飯我已經覺得我要照顧呢個女仔。我哋都有傾係咪遲咗發現對方,但我覺得每個階段都會累積一啲道理或者經驗,促使更加成長、更加珍惜。我同佢都覺得呢個時間係最好,到再返嚟香港,食多幾次飯,大家都確定真係好適合。」

江若琳
年初江若琳和相識十年「好兄弟」、拍拖不足一年的「生煎包王」蕭潤邦公布結婚喜訊。

問佢哋鍾意大家啲咩?蕭潤邦笑言:「我入行第一次識佢,已經覺得呢個女仔好靚、好可愛,但世界上有好多女仔好靚、好可愛,唔係一見到就行動㗎嘛,開始留意吓佢唱歌,好快我冇得撈離開咗,去咗做飲食業,有次同佢喺上海食飯,傾咗好深入嘅偈,就覺得我一 定要保護呢個女仔,因為佢好純、對人好好,佢會諗咗人 哋嘅感受先,再去諗自己,我覺得好特別,食飯、去街,佢都係問你想點,到依家都係,我最愛就係佢好孝順、好乖同好識尊重人。」

江若琳
相戀以來愛得高調,去年江若琳舉行出道十周年演唱會,當中更與蕭潤邦大跳性感辣身舞。

江若琳:欣賞有夢想嘅男仔

江若琳就表示:「我最鍾意佢係上海食飯嗰次,通常女仔同一個男仔傾偈,啲男仔好無心裝載或者好快就講自己嘢,但我嗰日同佢傾咗四、五個鐘,佢好投入聽我嘅經歷,聽到某啲事仲會戥我嬲、戥我著緊,再聽埋佢所有做嘢嘅經歷,為咗自己嘅事業、夢想由低做起,跌倒再起番身,我好欣賞有夢想嘅男仔。」

江若琳
講到拍拖日常活動,江若琳笑爆:「淨係識得食!」蕭潤邦補充:「周圍去食嘢,同埋做運動,大家工作上都有交流,我會畀佢嘅工作好多意見,我嘅工作又會聽佢嘅意見。」

同好朋友拍拖,分咗手會冇朋友做,問佢哋最初開始拍拖有冇心理包袱?蕭潤邦稱:「因為我哋心靈溝通得好好,好多本身係朋友,好快變咗做情侶,跟住分手冇朋友做。我自己都試過因為想同個女仔拍拖,所以同佢做朋友,但反而我同佢係冇諗過要拍拖,真實地做咗朋友,我哋嘅動機都唔係因為要拍拖先做朋友,同埋我哋唔會分開。 」

江若琳
江若琳透露曾試過學整生煎包:「佢教過我一次,都幾好玩。佢仲話我好有天份,佢話未試過一教就識。」蕭瀾邦冧爆:「佢成日學整好多我鍾意嘅嘢畀我食,譬如我話肉骨茶正、雞煲正,跟住佢就會學,呢樣係我好欣賞。」

婚禮已訂日子場地

講到婚禮嘅籌備,蕭潤邦表示:「日子同場地訂咗,12月23日,我哋揀咗好多好日,全部full晒,於是揀咗近聖誕節,唔係唔好日嘅日子,因為大家屋企都唔係要好多習俗,同埋臨近聖誕,大家感覺都會開心啲。其他陸續搞緊,因為太多選擇,正常我哋未結過婚冇經驗,唔識係正常,識就驚嘞,哈哈!」

江若琳
自動波相擁拍照,拍畢,江若琳更忽然撒嬌:「唔想放手!」

問使唔使為婚禮減肥?蕭潤邦話:「之前睇咗個婚紗嘅Fashion Show,有幾種model,有啲好瘦,但咁瘦反而著唔起件婚紗,我覺得結婚唔一定要瘦,鍾意食咪食,唔好因為要著嗰件婚紗而減。」江若琳就搞笑話:「佢嚴重食唔肥,所以我會減少少。」

江若琳
江若琳自爆還未影婚紗相:「好多朋友話贊助,應該會影好多輯,同埋旅行又會影吓。」

婚後即造人

江若琳直言婚後會即刻生小朋友:「因為佢都年紀唔細,37歲,同埋佢好鍾意小朋友,鍾意到我見到佢玩朋友嘅BB我會感動,佢抱住人啲仔唔放,攬到好實,仲會掛住人哋啲小朋友,我好有信心佢絕對會係好好嘅爸爸,仲有最好嘅係我生咗掉畀佢湊都OK!」

江若琳
拍照時正值下雨,蕭潤邦怕穿高踭鞋的江若琳跌倒,細心攙扶,又想也不想便替她挽起著過的波鞋,恩愛之情羨煞旁人。

至於婚後仲做唔做嘢?江若琳回答:「如果仲有得做嘅話都會做,因為始終都鍾意做,當然時間分配唔會好似以前咁癲,以前一年喺內地跑,冇乜幾個月喺香港,依家唔會,始終有個家庭,都會以家庭為重,但遇到好劇本、好嘅團隊,一年拍番一、兩部,真係可以去選擇,鍾意嘅就拍,唔會好似之前咁,要搵食。」

江若琳
訪問期間蕭潤邦向未來老婆深情表白:「我有好多個身份,我係佢嘅屋企人、大哥哥、監護人,以前佢成日唔驚死,為咗證明自己掂,拍戲四十樓跳落嚟,依家我要確保佢身體健康,唔好做搏命嘅嘢。」

《1+1深情》蕭潤邦 江若琳 十年兄弟變情人

早前《1+1情深》找來了生煎包王子蕭潤與江若琳當主角,原來2人早認識10年才慢慢由兄弟走在一起。本年1月蕭潤邦江若琳在ig宣布求婚成功,並將於今年12月行禮。

江若琳

今年1月,蕭潤邦向江若琳求婚成功,二人非常幸福。原來當日的求婚驚喜差點被江若琳識破,皆因Oscar的朋友打電話給他,然後Oscar不小心打開了電話的Speaker,被Elanne聽到友人說:「恭喜你去上海求⋯⋯」,Oscar馬上把Speaker關起來。

江若琳江若琳

江若琳曾經覺得自己可以一輩子自己一個人,不需要任何男人。

江若琳

兩日由初出道已認識,但相識接近十年不過一直都沒有單獨見過面。直至有次蕭潤邦到上海旅行,於是找長駐當地的江若琳食飯,慢慢地在10天的上海之旅便愛上了她。

江若琳

一直都以為自己一輩子單身的江若琳,對蕭潤邦非常有信心。

江若琳

蕭潤邦回港後,非常想念Elanne,於是便展開了追求。

江若琳

初出道拍寫真集 又pure又true

睇翻江若琳初出道07年曾推出寫真集《Paradise Of Colour》。

江若琳 江若琳

當時的江若琳20歲未滿,真係又pure又true!

江若琳 江若琳