歐鎧淳

歐鎧淳與胡子彤拍拖一年半 未計劃結婚

憑《春嬌救志明》入圍金像獎最佳新人獎嘅泳界女神歐鎧淳,在訪問中大方分享同現役香港棒球員、影壇新星男友胡子彤甜蜜相處嘅點滴,但講到幾時結婚,佢就話⋯⋯

撰文:東方新地|圖片:新傳媒圖片庫、歐鎧淳IG

歐鎧淳

泳界女神歐鎧淳在《春嬌救志明》中只得6句對白而入圍金像獎最佳新人獎,在周日金像獎頒奬禮當日下午,先參加於香港體育學院舉行的長池游泳計時賽,在30分鐘內連戰100米自由泳和100米背泳,結果分別披金戴銀,上水一刻更喜極而泣。

之後她又趕赴去金像獎,而她行紅地氈時忽然淚灑當場,看到薛凱琪在前面行地氈,一時太激動而泛淚!她雖然最後未獲「最佳新人獎」,但能夠有份提名,對相信已是一個很好的鼓勵!

歐鎧淳:我哋有共同語言

歐鎧淳同胡子彤拍拖約一年半,問到胡子彤有咩吸引到佢?歐鎧淳甜爆表示:「我諗佢同我某程度有啲似,所以相處落嚟好舒服,愈耐就愈嚟愈磨合得好、更加舒服,好似成日有個伴喺側邊,我哋有咗自己共同嘅語言。」提到早前2月14日情人節歐鎧淳被撞見喺銅鑼灣揸住紮花同胡子彤拍拖,畀人如膠似漆嘅感覺,非常sweet,歐鎧淳笑言;「都盡量抽時間見囉,始終見面、相處先至係最重要,其他嘅嘢都冇乜所謂!」

歐鎧淳
常跟男友胡子彤孖住出活動,日前一同擔任「揹水一戰」起步嘉賓,結果跑了整整十五公里,「我哋頭4K覺得好悶,跟住運動員心態作怪,不如衝啦,都幾好玩,其實跑步對游水嘅人嚟講好難,腳腕好唔習慣,成身痛。」

拒絕一齊做運動

講到兩人平時有咩消遣?歐鎧淳答:「都係喺屋企百無聊賴㗎咋,好少會出街,佢陪吓我屋企人,我陪吓佢屋企人咁囉。一齊做運動?梗係唔會啦,我有去睇佢比賽嘅,佢都有次迫我玩過場友誼賽,但我完全打唔中個波,都係玩吓啫!」而問到佢哋有冇交流演戲心得?歐鎧淳就話:「佢有教我,一定係佢叻啲,佢係上屆『最佳新演員』。」

歐鎧淳

未有結婚計劃

問歐鎧淳人生有冇咩時間表?譬如30歲前要結婚?佢笑答:「好耐之前有咁諗過,大個咗真係冇嘞,尤其覺得仲有好多嘢想試,仲有身邊好多人結婚,佢哋畀好多意見,話未結婚就有更加多時間做自己嘅嘢,而且我依家男朋友都有佢自己嘅諗法,所以我哋大家都向住我哋嘅目標進發先!」

歐鎧淳

歐鎧淳
提到胡子彤既有拍葉念琛執導嘅《心冤》,又拍杜可風執導嘅《白色女孩》,非常忙碌,歐鎧淳笑言:「佢係㗎,佢除咗拍戲,又會拍香港電台嘅劇集,又有啲廣告,同埋又要練波,佢都忙㗎!」
歐鎧淳
問佢同胡子彤出街拍拖有冇遮遮掩掩?歐鎧淳表示:「冇啦、都冇咩需要,冇唔見得光嘅嘢做,正正常常好似平時咁。最近先一齊出活動。」