胡定欣

唔著緊爭視后 胡定欣:我都攞過啦!

胡定欣入行17年,2015年及16年憑《鬼同你OT》及《城寨英雄》連奪兩屆視后,奠定無綫當家花旦之位,今次接受本刊訪問,她就大談兩奪視后後的目標與未來發展的方向。

撰文:東方新地|圖片:新傳媒圖片庫、胡定欣IG

胡定欣 得到比想像多

首先提到同馬浚偉演出的舞台劇《偶然·徐志摩》,胡定欣感歎:「真係一個好大嘅經歷,第一次做舞台劇,感受同拍劇好唔同,拍劇已經拍咗十幾年,拍劇方面,唔會有嘢令到我精神壓力咁大,今次舞台劇演出精神壓力真係好大,發夢會夢到自己唸台詞、做戲,就算做完舞台劇後幾個星期,我耳邊仲聽到對手講對白,瞓覺都仍然喺個夢度做緊戲。」有好多演員指舞台劇係演技終極,幾乎行步路都要識做戲,係咪真係好大挑戰?「我覺得唔同係個演繹手法同個空間,電影、電視劇同舞台劇,係三個唔同空間嘅演出,可能我將電視劇學習到嘅嘢,我帶去嘗試電影、舞台劇,將我根基知道嘅嘢,喺唔同空間再去改變、磨合。」

胡定欣

問佢有無睇向海嵐點做?胡定欣答:「無,我諗每個人對同一個角色嘅睇法都唔同,反而我覺得唔好受到大家嘅影響,完成香港演出,接住係Anne (向海嵐) 喺新加坡演出,反而Anne有嚟睇我綵排。」反應係咪達到預期?仲會唔會再做?「得著比我想像中大,我當初接,係想畀自己一個挑戰,成日睇好多舞台劇、同事去做舞台劇,唔同界別、歌手 去做舞台劇,我成日都諗好似要記好多嘢、畀我一定NG,或者我做唔做到呢?會好好奇,好想嘗試,但係又好戰戰兢兢。做《深宮計》嘅時候,遇上馬仔 (馬浚偉),大家去傾呢樣嘢,促成咗呢次舞台劇嘅演出,知道咗係咩一回事,我得到嘅已經比我想像中多,同埋心入面嘅一啲疑問已經解決晒。好似之前我諗點會記到咁多對白,原來當一個戲排足兩個月嘅時候,你唔可能畀自己唔記得。但個難度係,當你好熟悉、重複又重複去演,你點可以忘記前一日嘅演出,再繼續有唔同嘅感覺,呢個至係最高嘅難度。」

胡定欣

拍《深宮計》太忘我

講到《深宮計》播出後,網民話胡定欣頻現高低眉,又話佢額上的花鈿似電話品牌logo⋯⋯問佢開頭有無戰戰兢兢,定係由頭到尾都咁有信心?佢表示:「網民講嘅時候,套劇都拍完,唔係我控制範圍以內,同埋覺得都幾有趣,我會覺得花鈿真係萬能key,擺咩喺嗰個位都係得,我覺得係網民好玩嘅地方,至於高低眉,其實唔係今日先知道,我做戲咁多年,有時有啲表情好肉緊、太忘我,我就會有呢個問題,化妝師就會好緊張,但其實唔關佢事。」

胡定欣

對於《深宮計》取得好成績,胡定欣笑說:「我覺得 (梅) 小青姐嘅作品,都會有信心嘅,但係當知道內地嘅點擊率,一日升一億,係好鼓舞嘅成績嚟,香港播碰上世界盃都有咁好嘅成績,我覺得真係好開心,呢套都係我今年唯一出街嘅劇集,每一年都有一部成績好好嘅作品,我真係好開心。」

胡定欣

望好姊妹攞視后

問胡定欣對視后有無信心?佢直言:「無嘞,我唔可以講我對自己無信心,今年我身邊都有兩個好朋友、好姊妹,我都好想佢哋得到好嘅成績,就係黃智雯同煒哥 (陳煒),所以我反而無諗自己。我之前都曾經試過啦,佢哋能夠遇到一個咁好發揮嘅角色,我覺得佢哋都值得得到一啲成績。」

Nancy Wu 胡定欣(@nwuuu)分享的貼文 張貼

視后之後,有無樽頸位?有無諗過之後嘅路點行點走?胡定欣答:「我唔會形容係樽頸位,不如話我仲可以做啲咩呢?其實都仲有好多嘢未試過嘅,又或者有啲咩好適合我去做,可以再做多啲呢?其實同好多演員都未合作過,都想合作,電視劇方面,或者可以再做啲咩角色,係我呢十幾年嚟都未試過呢?」

胡定欣

而講到今年胡定欣夥拍吳鎮宇拍電影《逆流大叔》,鎮宇話搵胡定欣做女主角,首要係因為胡定欣唔驚佢,仲重提2002年拍《衝上雲霄》,新人中唯獨胡定欣唔驚佢,胡定欣就指:「當年開頭其實驚嘅,第一日開工驚嘅,之後就無。嗰時我哋成班都好細個,佢就好似一個哥哥咁。今次電影嘅合作,亦都因為我同佢嘅熟悉,有一份安全感。等我可以好好地做番我本份,唔使因為鎮宇哥喎,就好緊張。」

胡定欣

問胡定欣拍電影係咪好唔同?佢話:「好唔同,合作嘅同事唔一樣,依家電影出咗街、反應好好,好開心我第一套嘅電影有咁好嘅feedback,我有份參與一套充滿香港味、人情味、咁勵志、正面嘅一套電影。我希望呢一套係好嘅開始,之後繼續有機會嘗試拍電影。」

Nancy Wu 胡定欣(@nwuuu)分享的貼文 張貼

北上發展係辛苦錢

《包青天》喺內地拍,係咪又好唔同?胡定欣表示:「我諗同《深宮計》一樣,只不過係公司畀咗好好嘅budget可以去一啲好靚嘅地方取景,我會覺得係辛苦嘅,因為《包青天》去新疆,每一日來回坐七個鐘車,好辛苦,我坐到直情驚咗坐車,依家諗起坐車,我係要擺好成個陣先至去坐,我條腰已經坐到好痛,我要將頸枕變做坐墊我先坐到,可能新疆啲沙石路係多啲,我試過如果嗰程車無人,我會攤直個人⋯⋯」個景係咪咁值得先?「靚、真係值得!我哋去大峽谷、雪山、草原,第時播嘅時候大家就會睇到。」

Nancy Wu 胡定欣(@nwuuu)分享的貼文 張貼

連續兩套劇都北上,有無諗過長駐國內發展?胡定欣就話:「我真係無咁諗過,我相信唔容易,你見到咁多行家,可能將個基地移師喺國內,我相信收入係好可觀,但生活上模式嘅改變、付出,唔係咁容易,寄人籬下、離開自己屋企,離開香港去搵錢,我相信可能製作上或者價值上,或者係好好嘅機會,要好值得先至會去做。我覺得尤其是女仔,喺我心目中男仔會OK啲、適應啲,所以呢啲錢真係唔係咁易搵,我覺得係辛苦錢嚟。」

Nancy Wu 胡定欣(@nwuuu)分享的貼文 張貼

首度演舞台劇,胡定欣直言現場演出難免出錯,「當然有,但都係一啲細小嘅錯誤。」

Nancy Wu 胡定欣(@nwuuu)分享的貼文 張貼

入行17年,2015年及16年憑《鬼同你OT》及《城寨英雄》連奪兩屆視后,奠定當家花旦之位。胡定欣坦言想將機會留給其他同事。

胡定欣

胡定欣與陳展鵬合唱電視劇《城寨英雄》嘅主題曲《從未知道你最好》係當年嘅最受歡迎劇集歌曲!
胡定欣與陳展鵬合唱電視劇《城寨英雄》嘅主題曲《從未知道你最好》係當年嘅最受歡迎劇集歌曲!

對北上發展胡定欣另有一套看法,「唔好睇人哋好似搵好多錢,好羨慕或者點,係辛苦錢,唔容易。」

Nancy Wu 胡定欣(@nwuuu)分享的貼文 張貼

對《深宮計》中,被指頻現高低眉及額上花鈿萬能key一笑置之。「首先第一個應該擺自己公司嘅logo或者印個TVBuddy,哈哈哈哈哈!」

胡定欣

胡定欣

胡定欣

胡定欣