胡定欣

接受姊弟戀 胡定欣:最緊要溝通得到!

37歲的胡定欣跟馬國明拍過拖,又同陳展鵬傳過緋聞,在訪問中她就大談與張振朗熱傳的姊弟戀,以及現階段對擇偶的要求及睇法。

撰文:東方新地|圖片:新傳媒圖片庫、胡定欣IG

胡定欣 接受姊弟戀

網上指胡定欣取消咗關注陳展鵬Instagram,問佢有無解釋過?胡定欣直言:「唔需要解釋,我會覺得係好個人嘅一件事,我覺得取消或者關注唔代表啲乜嘢嘅,我可能有一日成個account都delete咗佢呢,哈哈哈哈哈!我覺得唔需要放大去睇囉!唔代表私底下我哋兩個唔會講嘢、唔係同事。」

胡定欣

講到同張振朗嘅緋聞,胡定欣就話:「一單新聞啫,無事發生!睇完笑吓咁囉,其實入行咁多年都面對唔同嘅新聞,都係其中一宗新聞,就係咁。之前都答過,就係喺《包青天》合作認識,係好傾得埋嘅同事、朋友、兄弟姊妹。」佢好友善、都係好男仔嚟?「係,佢好nice㗎!」咁同張振朗有無發展機會?「可唔可以唔問呢啲問題?哈哈哈⋯⋯」

胡定欣

最緊要溝通得到

而對於姊弟戀,胡定欣表示:「好耐之前我都曾經同細過我嘅人一齊,我覺得兩個人一齊都唔關年紀事,而係你同對方溝唔溝通得到,咁唔一定大過你就溝通得到,亦都唔一定細過你就溝通唔到。」想要咩類型嘅男朋友或者結婚對象?「無特別set啲咩條件,我覺得你遇到就會知嗰個係咪,由細細個到長大,一路都會諗想要咩條件,但最後嗰啲條件都唔存在,最後你同嗰個人一齊,嗰啲條件都唔關事,所以我覺得任何條件都好,最後係你兩個人嘅溝通、相處啱唔啱,其實就係最大嘅原因。」想對象係靚仔定有錢?「無呢啲條件,你見到嗰個人,互相有感覺就係囉!」

胡定欣

問到媽咪有無催婚?胡定欣坦言:「佢一路都無問、無催嘅,但上年同佢哋去日本旅行,喺個過程入面,講開我細佬,佢就突然話:『你都唔細,你有無人追呀?有無遇到咩人呀?都唔好淨係掛住工作嘞!』可能佢好理解,過去幾年阿女真係喺工作上花咗好多時間去得到一個成績,好似依家都幾穩定,係咪都要諗吓自己生活上面嘅另外一啲嘢呢?我覺得好正常嘅,爹哋媽咪梗係想自己個女搵到幸福,建立自己嘅家庭,生兒育女,咁我話:『得㗎嘞、知㗎嘞,但係急唔嚟嘅!』咁囉!」

媽咪,你要身體健康和快樂! I love you… Happy Mother’s Day❤️

Nancy Wu 胡定欣(@nwuuu)分享的貼文 於 張貼

結婚等個天安排

有無結婚時間表?會閃婚定公告天下?胡定欣答:「我諗唔好再諗好啲嘞,哈哈哈⋯⋯其實無得諗,天安排咗嗰個人幾時出現就得㗎嘞,等待囉,未嚟之前咪好好做好自己、準備好自己、打理好自己先囉!」

胡定欣

同胡定欣講到「胡說八道會」,問佢哋係咪一路互相扶持、感情只有增無減?佢話:「咁一定會啦,大家都咁多年感情,我諗我哋六個人嘅關係係大家互相扶持、支持,大家咁難得喺同行、同公司入面,能夠成為好朋友、好姊妹,各人自己經歷完一啲嘢,又或者遇到一啲問題嘅時候分擔、分享,係好難得嘅一件事。」

Nancy Wu 胡定欣(@nwuuu)分享的貼文 張貼

Nancy Wu 胡定欣(@nwuuu)分享的貼文 張貼

一個禮拜做三次gym

而講到近況,胡定欣笑言:「依家我終於可以休息,我拍完《包青天》、做完舞台劇,去埋加拿大、澳門登台,依家真係可以慢慢,有少少工作,但大部分時間都可以做自己想做嘅嘢,真係可以休息。」休息會做咩?「都係離不開去旅行,同埋搵嘢學,學吓啲自己唔識嘅嘢。好似最近夏天好多人滑浪,我上年暑假玩過一次,上年我因為太忙,落過一次水啫,今年希望約一班女仔朋友一齊去學吓。其實我之前一路都好驚、好怕危險,拍緊劇我一定唔敢做,趁依家唔使開工,可以安全地玩吓。」

Nancy Wu 胡定欣(@nwuuu)分享的貼文 張貼

Nancy Wu 胡定欣(@nwuuu)分享的貼文 張貼

問胡定欣有六嚿定八嚿腹肌?佢話:「無,少少六啦!哈哈哈!」幾耐做一次健身?「睇忙唔忙,或者嗰套劇使唔使fit到咁,之前我因為做舞台劇,因為精神壓力比較緊張,胃口細咗,瘦咗好多,我要迫自己食番多啲嘢,set一個目標,一個禮拜健身三次,因為我最fit嘅時候,係一個禮拜做三次gym練番嚟嘅,所以雖然依家唔使有一個目標,但係想為自己做番一個成績出嚟,set咗個目標會肯去做,如果唔係會懶懶散散。」

Nancy Wu 胡定欣(@nwuuu)分享的貼文 張貼

雖然做一個禮拜要做三次gym操fit自己,但胡定欣話唔會節食:「我食好多嘢㗎,依家盡量去番正常胃口!」

Nancy Wu 胡定欣(@nwuuu)分享的貼文 張貼

37歲的胡定欣,跟馬國明拍過拖,同陳展鵬傳過緋聞,去年首度被母親追問感情生活,笑言惟有以「急唔嚟」來應付。

胡定欣

與年輕6載的張振朗姊弟戀愈傳愈烈,訪問中胡定欣罕有避談有否發展機會。

胡定欣

講到追求者,胡定欣笑言:「有,學馬仔話齋,一個禮拜有一打!哈!」

胡定欣

胡定欣放假另一樣做的是與一班胡說八道好姊妹旅遊、出海。

Nancy Wu 胡定欣(@nwuuu)分享的貼文 張貼

下半年終有時間放假,胡定欣即把握機會健身維持身形。

Nancy Wu 胡定欣(@nwuuu)分享的貼文 張貼

胡定欣

胡定欣