蕭正楠

【深宮計】曾經囂張乞人憎 蕭正楠:嗰時態度真係衰

廣告的威力不容忽視,每晚劇集附帶的植入式廣告,確有洗腦之效。歷久不衰的廣告且看曾江播足廿年的美源髮彩,一個極差的廣告同樣有洗腦作用,例子有蕭正楠早年的「𠽌𠽌𠽌」西餅廣告,騎呢的slogan仍在腦海中縈繞不去,「𠽌到𠽌𠽌嘅𠽌𠽌𠽌𠽌!」當中的含意連廣告主角至今都解釋不到。

這一「𠽌」,蕭正楠連自己的事業及運氣一次過「𠽌」走埋,敗走內地。錢搵唔到,知名度零,幸好在未衰到貼地之前有TV Buddy伸出援手。由籌款節目陪總理跳舞的蛋散,今時今日成為曾勵珍愛將,蕭正楠終於等到機會上位!

撰文:東方新地|圖片:新傳媒圖片庫、蕭正楠IG

蕭正楠 態度囂張乞人憎

「以為自己好紅」的藝人多數的下場是銷聲匿跡於娛樂圈,蕭正楠當年正犯下這過錯,簽約成為李澤楷唱片公司旗下歌手,挾「電盈之子」之名加入樂壇,口不擇言令他一無所有。

蕭正楠

「咁大間公司back up、加埋個老闆係邊個先得㗎,梗係飄飄然啦。出道頭兩年啲job真係多到唔停,做完一單趕住去第二單,太易得到嘅嘢唔會珍惜。」態度囂張、說話不留餘地,是做歌手時蕭正楠的特徵。「嗰時態度真係衰,啲歌上唔到榜少咗job就會用好倔嘅語氣怪責啲同事,可能老闆李進對我咁強硬,我又學埋佢啲嘢照樣咁鬧啲同事。咁咪戇居囉,佢係老闆我唔係,搞到自己乞人憎。」

蕭正楠

蕭正楠自爆曾經找過一班舊同事,希望向他們說一句對不起,但最後不成事,「我真心想同以往曾經畀我得罪過嘅舊同事同埋記者講聲,我欠佢哋一句對唔住,今時今日我連個『囂』字點寫已經唔記得啦。」蕭正楠當年除了錯在態度差之外,最主要錯在太天真,他應該不明白大家只是畀面李澤楷而不是他!

蕭正楠

欣賞Juno作品

與蕭正楠同樣於02年入行的樂壇新人,數數手指男的只剩下他當日的死敵麥浚龍(Juno)及余文樂、女的則有鄭希怡。研究當時與Juno交惡的原因,蕭正楠歸咎於一切都是新人博見報宣傳手法。「事實上我同Juno冇試過兜口兜面指摘過對方,你寸我兩句我咪窒番你三句囉,有好多說話經過第三者把口就會唔同晒。睇番轉頭呢件事真係小學生鬧劇,佢啲歌我有畀錢download㗎,咁多歌手之中佢做唱片真係好有誠意,早幾年佢套《殭屍》收得又好口碑,見到佢有咁好成績好戥佢開心。」

蕭正楠

致命一擊

做錯事的人與飲醉酒的人抱着相同心態,做錯事的人不會覺得自己做錯,正如飲醉酒的人永遠話自己冇醉。「當年真係唔覺得自己有錯,到後期發覺記者朋友唔係咁鍾意我,出親活動冇人同我做訪問,心諗搞乜呀,點解會咁樣嘅!」令蕭正楠真真正正certified dead是一句「邪不能勝正」,其威力相等如蔡楓華的「一剎那光輝並不代表永恒」,說話的背後動機及過程,當事人早已解釋過。

蕭正楠

要為他此舉作出總結,只想到三個字:「衰戇居」。「好多人問我後唔後悔講過呢句嘢,我唔識答,因為說話出咗口冇得收番、邊有得畀我後悔。換個角度慶幸係我十幾年前瀨嘢,如果依家先講死得仲慘。其實有人想幫你,呢句可能係金句,如果人哋要整死你,呢句嘢就會令你永不翻身。」好明顯當年報道的人屬於後者,禍從口出付出極大的代價,慎言成為他日後的座右銘。

蕭正楠

衰多口得到的下場是返內地拍劇,人唔紅知名度唔高,三年只有四套劇兩齣戲,唔餓死經已要感恩。「04年嘅人民幣好低,一劇套唔過50萬,一套戲唔過10萬,公司抽埋佣,3年搵得好少錢,真係要慳住使。如果嗰3年我仲喺香港樂壇作垂死掙扎,應該衰到要食穀種。」

蕭正楠

唔恨出碟

有幸得到機會加入無綫,蕭正楠𦧲飯應,聽教聽話肯做肯搏令他一劇接一劇,有傳是曾勵珍頭馬的他由《仁心解碼II》的「Jap榮」到《巨輪》的心「羅威信」,終於升上男一,近日更在《宮心計2深宮計》飾演「何離」,同馬浚偉、馬國明並列三大男主角,「真係要多謝珍姐畀好多機會我,有份拍重頭劇已經心滿意足,劇集出街之後觀眾會叫我劇中角色名,呢種認同最重要,獎項我唔敢諗太多。以前出碟唱歌冇人記得我啲歌名,依家真真正正感受到電視威力有幾大,起碼我做嘅角色有人知、套劇有人追。」以上對話粗略計算兩分鐘內出現了五次「多謝珍姐」。

蕭正楠

至於會否心癢癢想再出唱片?蕭正楠斬釘截鐵表示:「唔使客氣啦,我戥依家啲歌手慘,本身搵嘅錢已經唔多,接一個job七除八扣分分鐘貼錢打工。我已經清醒晒㗎啦,做歌手時係好多人擁喺你身邊好似好威水咁,做電視乜都自己一腳踢,硬橋硬馬先學到嘢,虛榮感我唔再需要。」

蕭正楠

余文樂及Juno與蕭正楠同屬02年樂壇新人,當年Juno與蕭正楠不和經常隔空互窒,充滿火藥味。

十多年前蕭正楠所拍的首個廣告劣評如潮,被踩騎呢又猥瑣令到很多廣告商拒絕起用他。近年終獲得第二次機會拍廣告,造型及對白都正常得多,但一味hard sell。

蕭正楠

蕭正楠

在娛樂圈兜兜轉轉,蕭正楠最終在電視圈找到自己的定位,2013年先憑《巨輪》一劇躍升成爲男主角,之後一連多套劇集《師奶Madam》、《巨輪II》、《超時空男臣》、《翻生武林》等都擔正做主角。

蕭正楠

早幾年一齣《仁人解碼II》,蕭正楠飾演哨牙戆男醫生「Jap榮」角色相當搶鏡,令他人氣急升,之後受到不少監製賞識。

蕭正楠

蕭正楠

蕭正楠

曾與何傲芝做「好朋友」

事業重返軌道,愛情同時來了,早幾年常被影到與何傲芝出雙入對,蕭正楠打死都唔認。「咁你打死我先啦!大家係好好嘅朋友,感情事我唔鍾意同其他人share,拍拖過程更加唔使公開,結婚時咪同大家講囉。依家剛剛叫有多啲機會,呢幾年唔會諗結婚,如果個女人認爲我值得佢等多幾年,自自然然就會等。」

蕭正楠

但到2014年初,本刊踢爆蕭正楠拍《師奶Madam 》時撻著黃翠如,為此不惜狠飛拍拖三年女友何傲芝。兩人至今戀情仍甜蜜蜜,似乎翠如正是蕭正楠口中「認為佢值得等多幾年」的女人。

蕭正楠

蕭正楠

《深宮計》升呢做王子

蕭正楠(Edwin)近日在無綫重頭劇《宮心計2深宮計》飾演「何離」,原本隸屬龍武軍,同將軍馬國明、太子馬浚偉都係兄弟,後來得知自己的王子身份,被捲入皇位之爭!

蕭正楠

謝雪心飾演的尚宮「瓊香」因發現蕭正楠胎記,懷疑其身份,四出調查後,終證實他是李旦(李龍基飾)與肅明皇后之嫡幼子,即李隆基(馬浚偉飾)同父異母的弟弟。

蕭正楠

蕭正楠仲笑稱自己嘅角色「何離」花名係「河狸」,英文名係「Holy」!

Holy 好 happy !! 謝謝你支持 !! 讀一次..這是押韻的 !! #宮心計2深宮計 #河狸 #何離
Edwin Siu(@edwinsiu)分享的貼文 於張貼

此河狸貌似認真,其實也幾好笑,日飲一碗蜜可抗毒😂😂😂😂 #宮心計2深宮計 #河狸 #Holy
Edwin Siu(@edwinsiu)分享的貼文 於張貼

《美女廚房》替馬國明擔心

除咗《深宮計》外,蕭正楠近日仲擔任無綫節目《美女廚房》嘅主持,對於劇集拍檔黃心穎被網民封做「地獄廚神」,蕭正楠笑指替馬國明擔心:「建議心穎唔好煮嘢畀馬國明食!」

要為翠如平反

而早前出席活動,蕭正楠仲話想請女友黃翠如上節目晒廚藝:「希望佢會嚟,雖然我成日踩佢,其實佢真係唔係咁差嘅,我要幫佢平反!」

美女廚房

黯然煎蛋飯

事實上,翠如曾經喺活動上表演過佢嘅「拿手菜」煎蛋!

Back to Work😎✌🏻 With @bigbigchannel_official in Malaysia🐒 #BigBigChannel #表演煎蛋 #誰害的
Wongtsuiyu(@wongtsuiyu)分享的貼文 於張貼

但最愛食太陽蛋嘅蕭正楠,早前po咗張爆咗黃嘅煎蛋飯相,仲話:「革命尚未成功同志仍需努力!」唔通呢個係翠如BB嘅傑作?

日頭猛做,到而家輕鬆下,食個晚飯,要… Excuse me what is this 😦? #一日一蛋 #最愛太陽蛋的是我 #你怎麼捨得佢爆黃 #革命尚未成功同志仍需努力 #鹹魚白菜也好好味

Edwin Siu(@edwinsiu)分享的貼文 於張貼

唔知翠如BB如果上到節目,蕭正楠會畀幾多分呢?

今晚都ok吖…多謝捧場😂😂😂 #美女廚房 #0分是一種鼓勵 #有笑有淚
Edwin Siu(@edwinsiu)分享的貼文 於張貼
>