陸詩韻

陸詩韻8萬月租匡湖居 180度海景屋大公開

陸詩韻在《宮心計2深宮計》飾演宋王妃,雖然戲分唔多,但都好搶戲,早年佢曾以8萬元月租匡湖居全幢180度海景屋,佢話住喺嗰度日日對住個海,頭腦清晰咗、轉快咗,易咗做決定,脾氣都少發咗⋯⋯

撰文:東方新地|圖片:新傳媒圖片庫、陸詩韻IG

陸詩韻打風驚餐死

近年做美容生意的陸詩韻(Sharon),接受本刊訪問時,透露自己原居於尖沙嘴嘉文花園,但人多車多,令她精神常處緊張狀態,陸父特別走到人車稀少,環山抱海的西貢,以8萬元月租匡湖居全幢180度海景屋,讓Sharon和細佬,以及其玩具貴婦犬Kina有個舒適安樂窩,Sharon說入到間屋第一個感覺係:「乜咁大嘅⋯」

陸詩韻
抱擁180度海景的露台,Sharon足不出戶也可感受到風和日麗,「做嘢做到好攰,都鍾意出嚟露台飲杯咖啡,睇吓書,放鬆吓。」

2,000呎屋以落地玻璃窗將海景、陽光引入屋內,空間感大增,室內仿如與大自然相接,Sharon說就連個人思維也清晰很多。「人就係咁犯賤,之前做藝人他他條條出活動就有錢賺,但做咗生意後,先發現有好多嘢要處理和解決,所以女人真係唔需要太叻,因為遲早要嫁人,未搬之前我每晚都掛住公司嘢,根本瞓唔好,個人變得煩躁,好小事就令我發好大脾氣,但搬咗嚟呢間屋之後,可能日日對住個海,頭腦清晰咗轉快咗,易咗做決定,脾氣都少發。」

陸詩韻
睡房同樣擁有無敵海景,這裡是她的小天地,「細佬請朋友返屋企玩,我就會匿喺房煲劇。」

說到不怕被停泊在外的遊艇偷窺嗎?Sharon說一點也不擔心,「朝早太陽猛,外面睇唔到屋入面,至於夜晚我通常會落簾。」不過落地玻璃窗對Sharon來說既愛且懼,「我好鍾意間屋用落地玻璃窗夠光猛,不過,搬入嚟之後試過打十號風球,有艘遊艇被風吹到停咗喺露台外出石壆,支船桿搖吓搖吓,幾乎打到我睡房隻窗,我成晚唔敢瞓望到實,仲叫細佬報警,結果第二朝艘船先拖返船廠。」

陸詩韻
落地玻璃窗旁邊擺放了Sharon由舊居搬來的6支富貴竹,Sharon說:「風水師傅話可以防止啲財漏出海。」
陸詩韻
客廳放置了淺啡色L形梳化,襯托著淺灰色牆身和白色地磚,簡約舒適,增添光猛,「其實屋內有好多家具都係由爹哋個儲物倉搬嚟,唔需要再買。」

閒時種瓜菜

屋內裝潢和家具摒棄高貴奢華,以簡約樸實為主,「因為公主feel唔啱我,我鍾意有屋企feel多啲。」入住這間屋後,她變了宅女,少了外出食飯和嘗試親手種植瓜菜,為屋內外綠化,「花園同茶室我都種滿番茄和觀賞辣椒,有時會種油麥菜,始終自己親手種,食落味道都會fresh啲。」

陸詩韻
露台旁小花園和茶室種滿番茄、檸檬和辣椒等蔬菜,每當收割完後,Sharon都立即上載微博,「啲朋友睇到,會留言問點解會有閒情務農!」

陸詩韻

此外,屋內外還放置了許多盆植物和掛滿一幅幅畫,「入咗嚟住之後,好鍾意綠色嘅嘢,所以閒時都會去旺角花墟逛吓,睇有咩植物啱放屋企,至於掛畫可以令間屋充滿多啲生氣。」Sharon更說住落風水好,令她風生水起,事業更上一層樓的話會計劃將屋買下。

牆身4幅掛畫,價值千六元,購自赤柱畫室,「除了好colorful外,仲好有meaning,可以當係春、夏、秋、冬四季,亦可以當係早、午、晚、黃昏。」
梯間牆身Sharon掛上公司設計師Benson Koo的畫,「如果我後生10年都會嫁畀佢,佢真係好有才華。」這個頭上被線扯著的狼頭人和旁邊那個型格十足的女人,大家又估唔估到係邊個呢?
陸詩韻
睡房旁有一個2百呎衣帽間,井井有條,一目了然,但Sharon仍說未夠用,「只係放到我部分衫,所以我計劃緊喺茶室劃分一少部分做另一個衣帽間。」

天台鋪上戶外木地板,但Sharon卻說甚少上來BBQ,反而在露台居多,「無謂將啲嘢食搬上搬落,客人又下下要經過主人房好麻煩。」

陸詩韻

若露台大風,Sharon就會走到飯廳窗台上,睇書兼欣賞山景。

陸詩韻

客廳旁是Sharon的工作間,旁邊擺放的按摩椅,是《獎門人》遊戲獎品,至於高身電腦枱,Sharon解釋:「有時食完飯就要落嚟睇文件check mail,咁樣可以唔畀自己坐咁多,幫助消化冇咁易肥。」

陸詩韻

雲石設計的套房浴室,是Sharon最愛,「夠大夠光猛,整體感覺好舒服。」

廚房用不銹鋼油壓廚櫃和德國Miele爐具,「得閒會約三五知己嚟屋企整吓曲奇煮吓嘢食。」

飯廳位置放了一面大鏡,空間感大增,牆上玫瑰花畫,Sharon說:「師傅話要掛幅畫喺度,好似自己照緊鏡一樣,但又要無刺,結果畀我喺銅鑼灣啲Art Gallery買到。」

《深宮計》陸詩韻同羅霖撞下巴

無綫重頭劇《宮心計2深宮計》除咗勾心鬥角宮廷戲例牌橋段,識睇梗係睇一班外援劉心悠、周秀娜同一班回巢美魔女羅霖、張慧儀、張文慈齊齊化行個唐朝妝爭奇鬥妍。爭啲講漏十年未拍過劇的05年港姐亞軍、當年有富豪狙擊手之稱嘅陸詩韻,雖然戲份奇少、第三集已經被殺,不過已經足夠令其V煞啄木下巴在觀眾心目中留下深刻印象!

陸詩韻
陸詩韻在 《宮心計2深宮計》 飾演宋王妃,第一集出場已經撩是鬥非更惹來殺身之禍。

陸詩韻在 《宮心計2深宮計》 飾演宋王妃,第一集出場已經撩是鬥非更惹來殺身之禍,演技絕對唔夠V煞膠面搶鏡。無獨有偶,形同利器的下巴同承認曾微調的羅霖撞晒樣!

深宮計

05年參選港姐、僅僅輸葉翠翠一個馬鼻攞咗亞軍、拍過劇接過電影、彈出彈入娛樂圈幫過父親經營家族生意、又自資出過內衣品牌代理過化妝品,不過問到十三年來陸詩韻娛樂代表作,肯定係不斷被傳搭上富商、油王、空心佬倌,目標明確一條心釣金龜,同埋執靚執上癮,眼耳口鼻同下巴相比起參選時代舊樣,一早已經面目全非!

翻睇十三年前陸詩韻參選港姐時泳衣照,面圓加丹鳳眼,仲有激凸身材,入圍已是大熱。化妝手法可以賴大會化妝,不過近年離奇消失的pizza面、圓下巴同肉頭鼻就難以解釋。

入行初期,化妝手法同影相擺po自然不如現在老練,所以不少相片都看到陸詩韻額高眼細又有個好肉地圓下巴。

拍劇初期角色一直都係純情知性少女甚為討好,陸詩韻當年打扮亦娘味十足。

近年轉戰商場,不過更多時候濃妝艷抹出席活動保持上報,刻意打扮後的陸詩韻每次出現都被指微調變樣,肉丸下巴不再,皮膚亦光滑得成膠狀。

尤其遇上自拍自家ps靚相,一心諗住擺上網圍爐取暖,不過ps過度,一秒變神州撞樣網紅。

當事人自稱化妝手法改進、護膚用品功效所以變靚啲,不過就無法解釋點解面形成半月彎刀狀、下巴尖到似強國蛇精男。

認微調否認動刀

09年淡出娛圈插手家族生意,上次拍劇已經係08年的《東山飄雨西關情》,十年來雖然不時出席活動保持做紙上明星,不過高清雙機拍攝、加上大電視大頭畫面始終唔同,出鏡三集就慘被殺死的陸詩韻明顯今非昔比,鼻樑高聳入雲、雙眼大過龍、緊緻膠面,特別要提係個下巴,尖削似利器得嚟,竟然與同劇羅霖撞埋款!

52歲羅霖就一早話過「整容好平常」坦承曾打美容針微調,不過37歲陸詩韻反而愈靚愈口硬:「好悶呀,已經講過好多次,我個樣唔同咗要多謝大家先,即係我個樣靚咗,同埋我做緊護膚品生意,當宣傳囉!我好耐之前打過botox,不過效果唔明顯,要做手術嗰啲我就覺得冇需要,每個女仔都想靚,但唔可以冇咗自己嘅框架囉!」果然達到執上癮最高境界!

37歲陸詩韻釣金龜不果轉戰商場,近年容貌不停進化,除咗自己精心修圖放上網靚相外,傳媒拍照經常拍到她面目全非扭曲一面。

年紀相差15載,羅霖與陸詩韻同是愛狗之人,也同愛V煞下巴!