馮盈盈

澄清唔係港大校花 馮盈盈:其實係另有其人!

有「貼地港姐」之稱嘅16年度港姐冠軍馮盈盈在訪問中大方分享其貼地思維,又澄清其實佢唔係港大校花,話真正嘅港大校花係另有其人!

撰文:東方新地|圖片:新傳媒圖片、Instagram


任港姐司儀 馮盈盈:有寫定Proposal!

首先問到馮盈盈對今年有份港姐擔任司儀有咩感受?佢話:「一開頭被任命做港姐司儀,嗰下已經覺得唔係吓話?我何德何能先?因為作為港姐司儀係好多主持、司儀心目中嘅夢想,好似阿Bob (林盛斌) 都話佢入行係以做港姐司儀為夢想同目標,難得有個咁珍貴嘅機會,其實我都擔心承受唔起、做得唔好,所以一知道已經好緊張,仲要今年唔係對稿讀,係要set問題,要有學術性、有內容、有深度、有內涵⋯⋯我返到屋企仲要做資料搜集、寫啲Proposal,好似以前大學做功課咁,所以今次淨係問問題呢part我都好似做咗成個project出嚟咁。」


180826 又一年 參與香港小姐這年度盛事 由當初的參選佳麗 到卸任港姐 然後有幸成為司儀之一 只能說 一切都無比神奇 感謝港姐這個舞台每次都帶給我新的機會 新的經歷 新的得著 新的感受 然而對我這位主持初哥而言 要勝任港姐司儀 絕非易事 即使只負責其中一部分問答環節也好 香港小姐 美貌與智慧並重 我們兩位師姐都有共識 想從問答環節突顯佳麗們的內涵,思想和長處 因此希望能針對每位佳麗的背景 設計度身訂造的問題 但一共有20位候選佳麗 即使最後只需問四條問題 在事前工作上 我們倆也要準備十多條問題 為十多位佳麗的背景做資料搜集 這單靠我倆是無法完成的 萬分感激大會編審團隊對我們的協助 我們花了很多很多時間開會 討論問題的方向 研究每個佳麗的背景 找出每人最獨特之處 針對性地訂立問題 再不停修正 要有難度又要有發揮 又要學術性與娛樂性俱備 這是一個新做法新嘗試 我們可能在平衡各方面上拿掐得未夠準確 舞台應對經驗也未夠豐富 但師妹們的回應和表現都讓我們眼前一亮 她們出色又得體的答案充分反映了她們的急才和知識 當中一些有趣的互動更掀起了全晚其中一個高潮😂 當然要首先多謝Do姐在台前不斷為我們圓場和主持大局 在台後 她亦樂意與我們後輩大方分享主持技巧和心得 不時指點改進之處 並盡力配合我們的新想法和提議 她真是一位敬業樂業 又和藹可親的前輩 是我們的模範 另外今晚節目能順利完成 全賴各位前輩司儀的帶領 和台前幕後的努力 我自知仍有不少不足之處 唯有鞭策自己要繼續努力 希望再有機會比大家見到我嘅進步 最後要恭喜各位得獎者👑雖然漫漫人生 之後定會有更多難忘的新鮮事發生 但直到現在 當選的那一晚仍是我人生中最精采最喜悅的其中一個magic moment 希望你們都有好好享受和記住今晚☺ Wish you all a bright and beautiful year ahead✨ #2018MissHongKong #preciousexperience #以為問人問題好簡單 #原來殊不容易 #我寧願自己答番😂 #雖然中間火花四濺 #但總算製造到氣氛 #希望你地睇得開心🙇🏼‍♀️ #我地就真係死而無憾🙈


Crystal Fung(@crystalfyy)分享的貼文 於 張貼

每當選完,一堆事件簿就會畀傳媒摷番出嚟,有冇咩寄語今屆師妹?例如拍拖應該公開定唔公開?馮盈盈謂:「今年亞軍係三甲入面唯一承認拍緊拖,其實決賽前佢上嚟《#後生仔傾吓偈》,都知佢有位Long D.嘅男朋友,我都有提點佢當選後點同圈外男朋友保持關係,因為我就係成功例子嘛!」有報道話季軍有拖拍但唔認?「我梗係相信自己啲師妹,選之前佢上《#後生仔傾吓偈》都好強調自己係單身,仲用好多英文字母話I’m busy with myself,好專注同自己發展緊。報道話佢四月去希臘,距離依家都四個月,但你都知,依家年輕人感情變幻莫測㗎嘛,拍一個星期散拖都可以完,同埋我哋後生仔覺得啱吖,去完旅行先分手,係好合理,係無問題㗎!」


馮盈盈

中學著水手服

講到馮盈盈中、小學都讀「寶血」,係一間好正經嘅學校,馮盈盈直言:「佢本身係天主教學校,但喺入面讀都無一定要宗教信仰,校風比 較親切,老師、同學打成一片,無話傳說中好拘謹、好傳統,一定要個個信天主教、做修女嘅。」校服係旗袍?「唔係呀,我哋係著水手服㗎!所以之前喺節目要cosplay美少女戰士著水手服,一啲都唔係問題,我中學著咗六年呀!」一間咁正統嘅學校,訓練到馮盈盈自細都咁貼地?「都係㗎,因為我哋唔係直資學校,無話要畀好高學費,所以咩階層嘅朋友都會有,令我自細同好多唔同背景嘅朋友相處,無話會好離地,我哋旺角、邊度都會去,咩都會玩咁㗎!」


Crystal Fung(@crystalfyy)分享的貼文 張貼

Crystal Fung(@crystalfyy)分享的貼文 張貼

問馮盈盈係咪自細想做營養師?佢答:「話說我爸爸係做生意嘅,自細教導我『大個咗唔好從商』,因為做嗰方面嘅嘢就會知道當中辛酸、難處,就會想自己嘅仔女唔好循呢方面發展,希望我哋有個專業資格,做專業人士,會有保障啲。咁我揀做咩專業人士,但好多都比較悶,唔係好適合我嘅性格,突然間見到營養師唔錯吖,因為營養師好多時會同人溝通,唔係喺office對住文件、計數,而且講健康係大家好貼身嘅問題,仲要加埋係飲飲食食方面,都幾有趣吖,所以由細到大揀科會揀理科,大學會讀營養學,plan好大學之後去海外讀個碩士,返嚟再考註冊營養師等等。」


馮盈盈
大學時馮盈盈任兼職模特兒,曾因工作角色扮演過高達女郎。

唔係校花

跟住係咪行行吓街畀星探發現做model?馮盈盈笑言:「我都想呀!可惜無啲咁嘅事,的而且確,我喺大學期間係有做兼職模特兒嘅經驗,大學嗰時我參加咗攝影學會,有次學校開放日我做模特兒影咗啲相,有攝影師擺咗上公開嘅page度,之後就有人問我想唔想做兼職模特兒嘞!」讀港大時經已係校花?「好多人誤會我係『港大校花』,其實唔係,話說我讀書嗰時,『校花校草比賽』仲健在,咁啱同我同年嘅一位女同學,真係贏咗大專校花,於是出現咗一位港大營養學校花,到我選港姐,啲人就誤會我係嗰位校花,其實係另有其人。」

楊慧敏
呢個另有其人係邊個?之唔係同樣讀港大食物及營養學嘅Mina (楊慧敏) 囉!佢曾經當選過2014年大專校花嘅冠軍。

HKU索校花 – 楊慧敏

Four year difference 🙈🙈 #2014Ustar #history #timeflies
☀️ Coach Mina 💪🏻(@minayeung)分享的貼文 於 張貼

選港姐梗係想贏

之後講到選港姐,問佢選港姐嗰陣信心大唔大?馮盈盈表示:「嗰時個目標係想向冠軍進發嘅,因為參加得個比賽,梗係aim for the best,唔通想嚟選個季軍咩?同埋都要講番我想去選嗰時就畢業,諗緊嚟緊呢年到底學人Working Holiday定即刻去海外讀書,但我想喺去海外讀碩士之前,做啲揚名立萬、令全香港都識我、令爹哋媽咪好proud嘅嘢,嗰時同男朋友傾,佢就提議:『你不如選港姐!』所以就去選嘞!」選到就話啫,有冇諗過選唔到點算?「選唔到咪去外國囉,同埋我男朋友有個朋友都參選過,入咗決賽,會見到就算落選其實都無乜問題,仲識到好多新朋友㖭,No harm吖,所以咪試。」


馮盈盈

馮盈盈


港姐年年有,當選後,問佢點令到自己一路有嘢拍、有角色?馮盈盈直說:「我覺得對自己信心一定要有嘅,如果每日活喺『會唔會有其他人比我好?取代到我?』就會變得好灰,同消耗好多精力,所以反而唔好諗,將精力放喺自己度,選完啲人話覺得我啲牙唔齊,我咪去箍牙,原來好多活動要跳舞,例如台慶、慈善騷,我就學拉丁舞、知道選完已經當你係藝人,所以學唱歌、做戲,肯花時間裝備自己,其實有人會見到,就會畀到相應嘅工作機會等你發揮,所以做好自己係好緊要。」

Crystal Fung(@crystalfyy)分享的貼文 張貼


自認係宅女

對被稱為「宅男女神」,馮盈盈就話:「我依家先知我係『宅男女神』,點解有咁嘅名?可能我真係好宅,我成日上網、流連討論區,亦都有打機習慣,花好多時間睇高達、煲動漫,可能啲年輕人見到同佢哋啲嗜好都幾有共鳴喎,好似身邊一個宅女friend,覺得特別有親切感,可能因為咁封我呢個名囉!都開心嘅,好多人覺得呢啲次文化可以有更多發展空間,我作為領頭人更加宣揚女仔鍾意打機、睇動漫⋯⋯都係好事、開心嘅事呀!」

馮盈盈

問馮盈盈有冇試過喺街上面遇見宅男?佢回應:「我喺街比較少遇上宅男同我傾偈,但啱啱喺一個商場嘅停車場,有個阿叔跟喺我後面,搭我膊頭問:『靚女,你係咪香港人?你好靚!可唔可以做個朋友?交換微信?』我要再努力啲,等佢哋認識到我係邊個,同埋想聯絡我可以去我社交平台follow我,係我未夠努力、未夠出名,對唔住!幫我宣傳多啲,唔該!」


馮盈盈

問到可預計五年、十年後,在做甚麼,馮盈盈說:「我諗都喺 TVB做,因為都簽咗約吖嘛,哈哈哈哈!」

馮盈盈


訪問時腰板挺直、看似一本正經,但說話卻生動惹笑、問一句答十句;例如說到入行初期未能給家用,馮盈盈說:「屋企都無怨言、要求同投訴⋯⋯」形容詞不絕,難怪入行未夠兩年便被選任港姐司儀。

馮盈盈

馮盈盈坦言一直有留意網民評論:「呢行都算係服務性行業,面對觀眾嘛,都要聽番大家嘅意見同批評,先可以去改進,當然保持自己嘅特色都好,但都要取平衡嘅。」

馮盈盈


馮盈盈笑言有意向Rapper方向發展:「好多人話我講嘢快又急,用嚟rap都幾好吖,要好短時間講好多好多嘢嘛,不如將呢個潛能向rap方面發揮,進軍做女Rapper,都幾新鮮吖!」

馮盈盈

由始到終都係選擇公開男朋友?馮盈盈直說:「我去第一次面試,有記者問『男朋友支唔支持?』我已經答:『支持!』我覺得其實都唔係咩值得隱瞞嘅事吖,而且都要畀番啲信心同安全感男朋友㗎嘛!」

馮盈盈