韓星

韓星入伍最新近況 大聲 李敏鎬 齊變黑炭頭

入伍係每個韓國男神必經嘅關口,近日一眾人氣韓星包括李敏鎬、鄭容和以及BigBang成員大聲、太陽、GD等都先後入伍,粉絲當然好關心佢哋入伍後嘅近況,而喺佢哋流出嘅近照中,可以發現經過新兵訓練後,李敏鎬同大聲都曬黑咗唔少,相反GD同太陽仍然kepp得住咁白淨!

撰文:東方新地|圖片:新傳媒圖片蛼

韓星入伍近況

大聲 教堂睇聖經

BigBang嘅成員大聲、太陽同樣選擇喺上月入伍,經過近一個月嘅基礎訓練,喺近日曝光嘅近照中,可以發現大聲相比初入伍時,好似曬到燶咗一樣。

韓星
受訓一個月後嘅大聲。
韓星
剛入伍時嘅大聲。
韓星
大聲本身同隊友太陽都係虔誠基督教徒,相片中佢正在教會中耷低頭專心睇聖經。

太隊 加入炮兵隊

太隊將會於本周三(18日)完成新兵訓練,並於本月19日獲分配入江原道鐵原第五軍團直轄嘅第5砲兵旅團,同GD一樣成為炮兵。

韓星
太陽同隊友大聲一樣剷咗個超短嘅skin head。
韓星
太陽雖然都有曬黑咗少少,但就冇大聲咁燶。

GD 獲周元點名讚

早在2月入伍嘅G-Dragon(GD)完成五個星期被稱為「魔鬼部隊」嘅白骨部隊新兵訓練後,有指獲分派到原營區3師團嘅11砲兵大隊服役,佢日前就獲正擔任白骨部隊助教嘅周元點名稱讚,周元指佢訓練時好勤力,同隊友亦相處融洽,令佢印象非常深刻。

韓星
GD早前流出疑似左手受傷嘅相片,令粉絲都大嗌心痛。
韓星
不過GD喺軍中表現都好精神奕奕。
韓星
正在軍中擔任助教嘅韓星周元日前出席韓國陸軍社交網嘅直播訪問時,點名稱讚剛完成新兵訓練嘅GD既勤力又同隊友相處融洽。

李敏鎬 完成四周軍訓

長腿男神李敏鎬去年5月入伍,因為06年發生的嚴重交通事故,李敏鎬在兵役體檢中被判定為6級,只能在首爾江南區廳擔任公益兵,上月佢進入位於忠清南道嘅論山陸軍訓練所進行基礎軍事訓練,日前李敏鎬完成晒四周訓練後參加畢業儀式,成個人都曬燶咗唔少,其後佢會返回江南區廳繼續服役,直到明年5月退伍。

韓星
完成基礎軍事訓練,李敏鎬黑咗又精神咗。

韓星

韓星
入伍前嘅李敏鎬非常白淨。

鄭容和 加入特攻部隊

CNBLUE隊長鄭容和上月初入伍前飽受以特權違規入大學嘅醜聞困擾,喺訓練期間流出嘅相片中,樣子憔悴消瘦,連面都凹埋,令粉絲都好擔心佢因為壓力太大影響健康。日前佢終於完成五周新兵訓練,有消息指佢將會加入有「不死鳥部隊」之稱、訓練強度非常大嘅江原道華川第2軍團702特攻連隊,由於呢個部隊需要自行申請加入,隊友都對佢嘅選擇非常驚訝。

韓星
鄭容和疑因早前特權入學嘅醜聞困擾,以致面頰消瘦凹陷,仲有勁重黑眼圈。
韓星
有指鄭容和申請入特攻部隊,係希望可以為醜聞洗底。

延伸閱讀:歷屆金像獎紅地毯大戰 女星爆乳大激鬥