GFriend 演唱會 勁歌熱舞晒長腿

韓國人氣女團 GFriend 昨首度在香港舉行演唱會,六位「小女友」Sowon、Yerin、Eunha、Yuju、SinB及Umji在亞博舉行《2017 GFRIEND Mini Concert in Hong Kong》,與香港的Buddy(GFRIEND粉絲名稱)近距離接觸,全場high爆!六位成員着上短褲仔短裙仔,大晒長腿,帶來連場勁歌熱舞,粉絲們歡呼聲停不了!

GFriend 首次香港開騷

演唱會準時七點半開場,眾成員着上白色小短褲登場,白滑長腿非常吸睛,佢哋一開始就唱出出道歌曲〈Glass Beads〉,另外仲有〈Navillera〉、〈Me Gustas Tu〉、〈Rough〉等歌迷耳熟能詳的歌曲,連場勁歌熱舞令現場氣氛高漲,粉絲們都紛紛揮動心心、星星形的應援捧,支持佢哋的小女友!

 

另外當然唔少得眾成員與Buddy們打招呼傾傾偈,可愛地用廣東話向歌迷講多謝,又輪流向歌迷展示魅力,有人撒嬌有人唱歌,逗得大家勁開心!最後逐位成員坐低講感想,大家都覺得香港歌迷好熱情,多謝大家為佢哋帶來美麗的回憶!

全文完