feat_1180_26

25歲港姐陳曉華焗做《迷網》女二 首次拍劇頻NG被插爆四宗罪

無綫近年花旦凋零,青黃不接惟有不停力捧新晉港姐、華姐小花上位接棒,冇演出經驗便被推上馬,苦不堪言!現年25歲18年港姐冠軍兼19年「國際中華小姐」冠軍的陳曉華(Hera),是近期最炙手可熱小花,未卸任已經被安排拍劇,處女劇《迷網》擔演女二,戲份拍住女一高海寧,不過,零演出經驗便孭重飛,惹來大堆負評,被網民狂插戲屎、木無表情、說話口齒不清,加上拍攝時經常走錯位及頻密NG幾宗罪,令初出茅廬的她備受考驗,未打好根基就焗上,無綫愛佢隨時變成害佢!

撰文、圖片:東方新地

陳曉華首次拍劇做女二頻NG

今個TVB Amazing Summer,除了兩王一后重頭劇《殺手》,剛推出以網絡騙案做題材的《迷網》,除了再次合作的楊明與高海寧,還有現年25歲、18年雙料冠軍港姐陳曉華,首次拍劇便擔演女二,絕對Amazing,不過劇集播出不久,Hera演出已被網民狂插,除了彈她演技生硬兼口齒不清,更有網民狠批她的演出將整套劇拖垮,無法再睇下去云云,除了戲屎、口齒不清兩大宗罪,更有劇組爆料指Hera拍劇時完全唔識走位、無限NG,成了演員之大忌,兩面受敵,令受盡無綫力捧劇接劇的她,儼如一盆冷水照頭淋,難怪近日Hera在社交網狂呻,劇集播出令她心情非常緊張,像中學放榜瞓唔到覺。

陳曉華外形條件煞食,加上夠fresh,令她成為近年上位最快新人,唔使兩年在新劇《異搜店》已經坐正女一。
陳曉華外形條件煞食,加上夠fresh,令她成為近年上位最快新人,唔使兩年在新劇《異搜店》已經坐正女一。
陳曉華在新劇《迷網》演見習督察,與上司楊明最多對手戲,不過首次拍劇已擔演女二的 Hera(陳曉華),完全冇演出經驗,加上角色情緒又多變化,拍攝時已不停走錯位兼 NG頻頻,新人焗住上,一啲都唔容易!
陳曉華在新劇《迷網》演見習督察,與上司楊明最多對手戲,不過首次拍劇已擔演女二的 Hera(陳曉華),完全冇演出經驗,加上角色情緒又多變化,拍攝時已不停走錯位兼 NG頻頻,新人焗住上,一啲都唔容易!
新劇《迷網》推出,負評一大堆,陳曉華被網民狂插演技生硬、說話黐脷筋,甚至有網民狠批唔想睇落去!對新人來說,無疑是一個大打擊!
新劇《迷網》推出,負評一大堆,陳曉華被網民狂插演技生硬、說話黐脷筋,甚至有網民狠批唔想睇落去!對新人來說,無疑是一個大打擊!

25歲港姐陳曉華焗做《迷網》女二 首次拍劇頻NG被插爆四宗罪

陳曉華得寵監製爭住用

據知情者透露,因為網民大量負評,加上近日連拍兩部劇集《七公主》及《異搜記》,令陳曉華壓力爆煲經常失眠。「選完港姐冇 耐, 無綫已經傾Hera簽經理人約做親生女,機會咁難得,Hera不知幾開心,正因為條件好,好多監製都爭住用佢,仲套套劇都好重戲,好似播緊嘅《迷網》,第一次拍劇已經做女二,完全冇演出經驗嘅佢,攞到劇本其實好騰,拍攝初期,一個簡單鏡頭都成日走錯位, 不停NG,最慘係拖累全組人遲收工,令佢壓力更加大,依家套劇出街,佢好緊張外間反應,畀網民狂插,對佢嚟講真係好大打擊!」

陳曉華是繼李嘉欣、郭羨妮、陳凱琳後,第四位同時奪港姐及華姐冠軍的雙料冠軍港姐,加上是中大高材生,可以話集萬千寵愛,難怪火速被無綫力捧!
陳曉華是繼李嘉欣、郭羨妮、陳凱琳後,第四位同時奪港姐及華姐冠軍的雙料冠軍港姐,加上是中大高材生,可以話集萬千寵愛,難怪火速被無綫力捧!
陳曉華與林宣妤同是參選《國際中華小姐》出身,原來兩人私下亦非常老友,不過好姊妹林宣妤,早前放棄留港發展返大馬做營養師,兩人最終未能一起並肩作戰。
陳曉華與林宣妤同是參選《國際中華小姐》出身,原來兩人私下亦非常老友,不過好姊妹林宣妤,早前放棄留港發展返大馬做營養師,兩人最終未能一起並肩作戰。
18年以大熱姿態當選港姐冠軍的陳曉華,兩個月後已簽約成為無綫親生女,加入無綫訓練班受訓,更火速成為無綫當紮小花,除了新劇《迷網》、還參演《食腦喪 B》、《七公主》,剛開拍的新劇《異搜店》已升呢坐正做女一。
18年以大熱姿態當選港姐冠軍的陳曉華,兩個月後已簽約成為無綫親生女,加入無綫訓練班受訓,更火速成為無綫當紮小花,除了新劇《迷網》、還參演《食腦喪 B》、《七公主》,剛開拍的新劇《異搜店》已升呢坐正做女一。

俾網民狂插打殘

未知是否給負評打殘,日前拍完劇在電視城收工的她,全程表現沒精打采,她先在電視城Canteen 買了外賣,然後坐Uber返屋企,上樓前還在附近超市買了一盒鮮奶同麥片,由畀錢到行返上樓仍然冇厘神氣。就連「十優港姐」麥明詩,都因為經常被彈演技不濟而轉簽「綠葉約」走人,同樣有樣有學歷嘅陳曉華,真係要撐住!

攞住外賣的她,已 call定 Uber在電視城外等候,坐車返到屋企,上樓前還專登去鄰近超市買奶和麥片,都係簡單食糧,女神果然相當慳家。
攞住外賣的她,已 call定 Uber在電視城外等候,坐車返到屋企,上樓前還專登去鄰近超市買奶和麥片,都係簡單食糧,女神果然相當慳家。
另一日,陳曉華收工亦係坐 Uber返家,打扮同樣樸素。
另一日,陳曉華收工亦係坐 Uber返家,打扮同樣樸素。

25歲港姐陳曉華焗做《迷網》女二 首次拍劇頻NG被插爆四宗罪