【港姐2018】次圈佳麗IG起底 有美人魚有混血兒有日本妹
撰文：東方新地｜圖片：東方新地、Instagram
【港姐2018】次圈佳麗IG起底
｜貴州姑娘Krystal
20歲大學生楊釩(Krystal)，首輪面試未見其蹤影，所以次輪面試現身時令人眼前一亮！Krystal表示自己來自貴州，來港讀書四年，指自己初時唔識講廣東話，依家已經進步好多！
少理露Bra
Krystal樣貌清秀、說話尚算大方得體，身材方面似乎都係有料之人，自然備受注目！不過次輪面試時，其實有記者朋友提佢整理內衣，當唔知Krystal係咪聽唔清楚，所以不加理會！
走文青feel？
睇番Krystal的社交網站都有唔少靚相，啲相又幾有男士們至愛的文青feel，感覺清麗脫俗，都幾值得近賞㗎！
｜索爆美人魚Honey
23歲參加者Honey果真人如其名，擁有一身蜜糖健康膚色、笑容甜美，感覺好陽光好有活力，一襲棗紅色吊帶短裙亦盡展其美好身段，難怪謀殺大量菲林！
斯文look一樣得
Honey如外界所料成功進入次輪面試，呢次佢就換上斯文款式連身裙及高踭鞋，OL造型一樣吸睛！
Honey透露自己係一名潛水教練，難怪一身健康膚色，身形亦係弗到漏！
噴血泳衣照任睇
作為潛水教練的Honey當然喜愛大自然，其社交網站中見到唔少索爆泳衣照，真係好期待佢入到決賽！
｜旅遊達人范莎莎（Zaza）
21歲的范莎莎(ZaZa)一睇都知係活潑好動Style，猶記得佢初選時面對記者充滿燦爛笑容、有問必答而且甫士多多，確係容易令人留下印象！
ZaZa次輪面試時著上與首輪時同款的露膊連身裙，不過就變為火紅色，配埋同色高踭鞋，青春無敵！
周遊列國
ZaZa透露自己於荷蘭修讀旅遊管理，睇番其社交網站亦係相當精彩，周遊列國的照片中完全睇得出佢活潑開朗的一面，大台啲旅遊節目可以考慮ZaZa喎！
ZaZa之前同記者講自己樣貌身材可能較輸蝕，用其他方面搭夠，不過小編覺得佢謙虛啫！
｜精通六國語言 CoCo
陳筠玲(CoCo) 今年24歲，現正攻讀港大犯罪學碩士，最厲害係識六國語言，包括普通話、英文、韓文、德文等等，CoCo面對記者時夠淡定，說話大方得體，有講有笑好親切。CoCo表示自己想成為一位出色的司儀，口材果然了得！
勝在夠健談
小編老實的說，CoCo樣貌喺參加者中算係普普通通，不過勝在夠健談，給人親切又開朗的應覺。之前記者提到有人話佢似曾志偉及卡通人物大蕃薯，佢都係一笑置之，仲會自嘲一番，需知道談吐方面亦係港姐重要一環！
其實過往都有唔少靚女成功入到港姐決賽，可惜問答環節口窒窒甚至講到九唔搭八，每人印象大打折扣，不過CoCo呢方面應該絕對冇問題！睇番CoCo的社交網站，生活都算係多姿多采，似乎仲好喜歡飲飲食食！
｜中日混血兒 Yutori
小編之前仲話佢個feel似「晶女郎」… 呢位係工藤佑采(Yutori)，工商管理學生，仲係中日混血兒！
身世可憐…
Yutori殺入港姐次輪面試，身世亦隨之被起底，據知其身世可憐，父母雙亡，現時自己一個人在港生活，提名Yutori的人係開點心店的名媛陳君宜。
｜中英混血兒 Linda
本文最後一位，今年21歲的蔡優美(Linda)，原來係中英混血兒，現於深圳大學修讀英文系二年級。後生女仲要係mix，但係兩次面試時的衣著都唔係人人識欣賞…
呢條裙集合騷胸、透視、晒腿、大露背於一身，不過感覺就…
大家覺得佢有有機會入到決賽呢？
