LkwOG-Recovered

獨家!落選港姐賴琦媛極速黐內地富貴肥叔叔 | 成功進駐豪宅鬼崇撐枱腳

賴琦媛為今屆落選港姐,不過落選知名度低一樣有好處。其實圈中貪威識食、博盡想釣金龜的女星大有人在,當年傅嘉莉姣上已婚肥叔叔富商,即時周身名牌身光頸靚,近日又有港姐人辦,賴琦媛成功黐富貴肥叔叔升呢!

文:東方新地 | 圖:東方新地、IG

賴琦媛黐富二代
今年21歲落選港姐賴琦媛( Ivy),參選時已是非多多,被指拜金愛黐富二代,果然目標明確,落選不久轉頭已釣得內地中佬富商,日前本刊獨家斷正,賴琦媛與年約四十的內地富貴肥叔叔,在中環歎法國菜,之後更攬到實同車離開。

賴琦媛落選前醜聞一大籮

賴琦媛在《香港小姐2020》首輪面試已經在網上豪言,Benz並非名車的賴琦媛寸嘴Ivy,參選港姐以來已被指拜金、整容、虛報學歷,黑歷史一大籮,賴琦媛最終十二強止步。但似乎參加選美並唔志在攞獎的賴琦媛,釣金龜先係佢人生目標。其實早在參選期間,已曾被影到有中佬駕車接送,更被拍到她在車廂內吸煙,又伸手將煙灰煙頭散出車外,相當冇品!

獨家!落選港姐賴琦媛搭上已婚富貴肥叔叔
賴琦媛選港姐時,以黑白OL裝現身,比狂野look看來清純得多。
賴琦媛
賴琦媛穿上無綫提供的港姐服飾,露出豐滿上圍,不過賴琦媛當時話:「大都未必係好嘅。」
賴琦媛
賴琦媛選港姐前,在社交網經常晒獨照,低胸短裙是指定裝扮。

身邊男人車輪轉 賴琦媛極速搭上肥叔叔富商

出名拜金的賴琦媛,其實參選志不在攞獎,反而更在意藉選美作跳板,埋富二代身,早在參選初期,賴琦媛已經被揭同李彩樺前度金融才俊潘啓翀拍拖,不過,賴琦媛參選即飛甩男友,充滿野心要更上一層樓,之後又被拍到有中佬以60萬名車接載出入,男人在身邊車輪轉,原來賴琦媛近日再極速換畫,成功釣上內地富貴肥叔叔。據悉賴琦媛與富貴肥叔叔認識不久已打得火熱,更極速進駐男方位於何文田的豪宅同居;不過,即使成功登堂入室,賴琦媛仍未坐正!有傳富貴肥叔叔早有家室,釣到金龜是福是禍仍是未知之數!

落選港姐賴琦媛爆選美黑幕 寸嘴Ivy控訴:我成為鏢靶,被人攻擊
賴琦媛選港姐時獲派的指定服裝,幾乎套套谷胸。
肥叔叔
當晚身穿露腰裝襯短裙晒肉腿的賴琦媛,與肥叔叔到酒店法國餐廳撐枱腳。

李連杰

李連杰
賴琦媛和肥叔叔去暗黑位置,已極速變成連體嬰,攬到實行落石板街。

賴琦媛肥叔叔鬼祟法國餐廳撐枱腳

9月10日傍晚,《東方新地》獨家斷正賴琦媛與年約四十的內地富貴肥叔叔,由男方何文田豪宅寓所出發,到中環歎法國菜,當晚身穿露腰裝襯短裙晒肉腿的賴琦媛,與肥叔叔步入位於石板街酒店二樓的法國餐廳撐枱腳,一吃兩個多小時,到晚上約九時半才結伴離開餐廳,青春打扮的賴琦媛跟在肥叔叔身後,未知是否怕畀人認到,兩人步出餐廳就刻意扮唔熟,一馬當先行在前面的富貴肥叔叔,更緊張兩頭張望,二人保持住兩個身位距離。不過,當行到去暗黑位置,賴琦媛和肥叔叔已極速變成連體嬰,攬到實行落石板街,然後一齊上肥叔叔價值百萬的LandRover座駕離開。

賴琦媛 肥叔叔 法國菜
賴琦媛當晚在IG都有張貼呢餐法國菜的食物相,據打卡資訊透露,餐廳係石板街的法國菜餐廳「Ta Vie 旅」,曾獲米芝蓮二星。(Source:賴琦媛IG)

賴琦媛扮「純純兔」成功釣獲億萬肥叔叔

據知情者透露:「寸嘴Ivy好進取,未夠18歲已經好鍾意落夜場蒲,咪係想搵機會埋啲有錢人身,佢同肥叔叔都係近排先識,知道對方有米,已經好主動黐埋去,同肥叔叔九月頭先正式開始,冇耐已經搬埋入肥叔叔嘅何文田豪宅同居。」雖然成功進駐富商豪宅,不過賴琦媛仍未真正做女主人,有傳富貴肥叔叔早有家室,而且非常富貴,中港兩地合共擁有逾億物業,賴琦媛參選港姐已經醜聞一大籮,今次釣肥叔叔斷正!未知賴琦媛又如何拆彈?

獨家!落選港姐賴琦媛搭上已婚富貴肥叔叔
成功進駐富商豪宅,不過賴琦媛仍未真正做「女主人」,有傳富貴肥叔叔早有家室,而且非常富貴。

寸嘴IG否認拍拖 講愛情、講胸圍 賴琦媛有問必答

21歲落選港姐賴琦媛( Ivy)熱愛玩IG,為了跟一班忠粉互動亦都好勤力玩Q&A,以下精選幾個寸嘴答案,由自己胸圍到感情觀都有問必答:

相關文章:賴琦媛落選港姐依然活躍 寸嘴Ivy事蹟一覽

相關文章:落選港姐賴琦媛爆選美黑幕 寸嘴Ivy控訴:我成為鏢靶,被人攻擊

東方新地 1189期
原文刊於《東方新地》1189期 ,內文有更多獨家圖片!9月17日出版!