EU超時任務 ｜真正美貌與智慧並重 「民選港姐冠軍」 朱千雪

港姐冠軍大熱 臨門一腳屈居第三

朱千雪係2012年香港小姐季軍，參選時深得網民支持，在多方面民意調查的支持度均領先其他對手。當年無綫電視首次推行一人一票選出港姐冠軍，朱千雪因而成為大熱。但最後網上投票系統伺服器發生問題，三甲依舊按評判評分選出，千雪最終只獲得季軍，而冠、亞軍分別為張名雅、黃心穎。

唔少人提起2012年港姐競選，都為千雪只得季軍不值！

親切鄰家女孩

朱千雪當選後本來受無綫力捧，但被後屆港姐陳凱琳及蔡思貝後來居上，所以曾有傳千雪心都淡晒，寧願花時間進修搵定後路，接受訪問時更透露公司未必同佢續約！前兩者有冇觀眾緣就見仁見智，不過千雪人前人後總是展現燦爛笑容，談話親切如同鄰家女孩，相處時令人覺得好舒服！(雖然小編未同佢相處過…)

無需有萬次只需一次愛

千雪雖然參演過不少劇集，但說到其代表作一定係年初播出的《EU超時任務》！佢飾演的Madam Ling凌晨風令人留下深刻印象，與渠頭(王浩信飾) 的一段情更是讓觀眾心酸落淚！

大結局一集更是大獲好評，平均收視最高30點！猶記得結局中阿風(朱千雪飾) 慘死，渠頭為了再次見到愛人，於是堅決穿越時空回到過去，即時屆時阿風會完全忘記自己… 情節至今依然刻在觀眾心裏，大家更力撐千雪及王浩信於下月的無綫頒獎禮奪視帝視后！

真性情鬧爆金剛

今月初播出的第二集《街坊廚神舌戰東京》做嘉賓，千雪與劉佩玥擔任嘉賓，跟主持金剛及小儀大鬥廚藝。期間金剛小儀偷用千雪的冰水，呢個moment千雪要爆啦！勁大聲鬧爆金剛︰「呢邊咁大個水喉你唔開！」嚇到小儀勁驚話︰「朱千雪同平時唔一樣，好惡呀！你明明係好溫柔㗎！」

千雪發火，非同小可！不過女神形象不單冇幻滅，更有大量網民力讚千雪流露真性情、唔造作，仲話好想俾千雪瘋狂咁鬧！相信呢啲就叫觀眾緣啦！

美貌與智慧並重

朱千雪家境不俗，8歲時隨家人移民加拿大，於當地著名學府西門菲沙大學畢業，主修商業和傳理。19歲時千雪更獲經營五金生意的父親送贈兩個本港物業，市值超過2千萬，絕對係「唔憂做」。不過千雪依然努力充實自己，取得中文大學企業傳播碩士學位後，隨即攻讀城市大場學法律博士學位，真正體現美貌與智慧並重！

全文完