岑麗香 收工攰爆

岑麗香（香香）早前高調公開同圈外男友「強強」嘅戀情，不過兩人依家分隔兩地，香香惟有寄情工作排解相思之愁，近日佢正趕拍新劇《火線下的江湖大佬》，日日忙到甩轆，日前八姨太就發現佢由朝早七點通告忙到下午四點幾，放工後佢返到將軍澳中心樓下，成個樣已攰到冇厘精神，睇佢手上拎到一抽二袋，仲要趕去交停車場月費，交完費，先慢步行返屋企，攰成咁，強強睇見應該好心痛！