阿叻 凸腩試新裝

八姨太講呢啲

廣告

阿叻(陳百祥)早前上港台節目《我係乜乜乜》發表「港豬」偉論,指大部分網民「讀壞書、憎人富貴厭人窮」,又稱由689人選特首冇問題,「因為呢個國家唔係你嘅,唔係你打出嚟嘅呢個天下」,以及寸黃之鋒「考到12個A就話你叻」等等,遭到全城網民洗版式狂插。不過你有你鬧,阿叻認為自己「冇壓力、冇老細、又唔使撈」,所以公開講自己立場,係有guts嘅表現!
日前八姨太遇見「唔使撈」嘅阿叻,帶住老婆秀姑(黃杏秀)到銅鑼灣時代廣場shopping,兩人入到高爾夫球用品店,不停試帽試外套,搞足一個鐘,期間阿叻仲着住件未剪牌嘅外套行到店門口,雙手插袋狂擺chok甫,不過一除低件外套,佢個超大嘅肚腩就無所遁形,十足有咗4個月身孕一樣,睇嚟佢唔單止要收口,仲要收吓個肚㖭!

關鍵詞
陳百祥