陳敏之 為食夫妻

上月剛滿37歲嘅陳敏之自從去年拍完《性在有情》後就冇再拍劇，反而密密撈過界，除咗發展曲奇餅店生意，去年年尾仲推出咗兩首新歌，轉型做歌手，最近又同森美一齊主持《Sunday好戲王》，實行多線發展，日前敏之趁住唔使開工，同老公William孖咇行宜家，佢哋兩夫妻呢日着住黑色情侶裝，行完宜家後兩人分頭行事，William出到門外煲煙，而敏之就去買咗支軟雪糕邊行邊歎，之後喺門口會合，William仲去狂掃咗大袋小食攞上車，睇唔出佢兩公婆都咁為食！