黎耀祥拍《殺手》被難倒 「胸襲」龔嘉欣足足16次！
撰文：東方新地｜圖片：新傳媒、TVB節目截圖
龔嘉欣大變身 操Fit做女殺手哂身材
近年龔嘉欣發展順利，每年都會喺無綫重頭劇度有份演出。但多年以來，Katy都係行開氣質靚女路線，今次為咗拍戲大變身，頭髮剷青、手臂紋身、性感背心再加上漁網襪，一開始幾乎唔認得佢！嘉欣指今次要剷青佢都唔係好接受到，不過做演員就係要嘗試唔同事情！
嘉欣仲要密密操練體能，皆因劇中有唔少動作場面需要應付！
打到周身傷
嘉欣最近上載一張背脊貼上痠痛貼布兼手臂有瘀傷嘅相，並留言：「個動作我可能要做好多次先至達到要求 。動作我真係唔叻，但係我會盡力！辛苦每一個配合嘅對手，陪我做足咁多次，睇返Playback，幾辛苦都係值得！原來我係可以做到架（㗎）！」
黎耀祥拍《殺手》被難倒 「胸襲」龔嘉欣足足16次！
嘉欣喺劇中有連番動作場面，其中同三屆視帝黎耀祥(祥仔)有唔少對手戲，呢晚兩人喺街上拍攝一場打鬥戲，拳拳到肉，睇見都痛！
嘉欣表示喺劇中長時間都要露腰露腿，所以努力練緊馬甲線及腹肌，不過就話拍攝經常唔小心整親祥仔，覺得好對唔住對方呀！
祥仔想借位 導演唔收貨
祥仔貴為三屆視帝，一般演出當然難佢唔到，不過今次就遇上大考驗，就係「胸襲」嘉欣的鏡頭！祥仔一心就諗住借位了事，點知導演唔收貨，認為借位會穿煲，所以……唯有真做！
呢個時候嘉欣講咗句：「我係一個專業嘅演員，祥哥放心！」結果呢個前前後後、不同角度，一共拍咗16 Take！事後嘉欣仲搞笑話雖然唔可以奪走祥仔螢幕初吻，不過奪走咗……唔識講。
延伸閱讀：
TVB新劇《殺手》角色造型逐個睇
TVB新劇《殺手》卡士強勁，一眾主要角色包括黎耀祥、陳豪、李佳芯、龔嘉欣、江美儀等，仲要唔少演員的造型都相當搶眼，令人期待！下文逐一睇睇各演員今次搞乜鬼～
型佬陳豪 vs 麻甩佬祥仔
羅蘭姐 西裝骨骨
羅蘭姐一身直間西裝造型，甚有中性美亦不失高貴！
高海寧 一樣咁靚
同其他演員相比，高Ling個造型正常到不得了，依舊咁靚女，但其實佢會唔會想破格啲呢？
江美儀 護士裝鳳姐
開始嚟料啦，見到46歲江美儀一身粉紅色護士裝現身，下身配埋漁網絲襪及高踭鞋，真係少啲定力都搞唔掂！美儀就透露今次係演一名鳳姐，劇中仲會有OL、動漫cosplay等更爆造型！美儀又自爆為演好角色，更特地去訪問真 ·鳳姐，希望演繹得更傳神！
李佳芯 師奶殺手
女主角李佳芯(Ali) 一頭大曲髮及戴上粗框眼鏡示人，雖然師奶味濃，不過露出白滑香肩及修長美腿，女神Ali無論點都係咁靚！小編講嘅！
索爆阿雪 ＆ 男仔頭江嘉敏
何遠東 向陳山聰致敬
麥明詩 挑戰演盲人
樊亦敏 噴血女魔頭
