《唐人街》被抽起、明谷王浩信做視帝 陳展鵬歌手夢再撻Q被指嬲爆

娛聞

廣告

18年結婚,19年生女,兩年前自《天命》後就再冇劇出街,專心湊女錫老婆?雖然九個月大小豬比真係圓碌碌可愛到爆,不過法官大人冤枉呀,陳展鵬事業心仲好強,仲有個歌手夢未圓㗎!

撰文、圖片:東方新地

陳展鵬秘密簽唱片公司 靠《唐人街》圓歌手夢

兩年冇劇出街啫,其實陳展鵬冇停過開工拍劇,仲有《 超能使者 》、《 逆天奇案 》同《 唐人街 》三套劇排住隊等出街,當中嘅《 唐人街 》既是無綫重頭劇,亦係陳展鵬繼16年《 城寨英雄 》攞獎後,另一個再次衝擊視帝嘅黃金機會!據悉入行做過兩年寶麗金歌手嘅煎Pang,其實一早錄埋劇集主題曲兼拍埋 MV,仲喺五月秘密簽埋唱片公司,希望借此劇打頭陣,正式宣布重回樂壇再圓歌手夢。

繼兩年前 《天命》後一直冇劇出街,其實煎Pang劇接劇喪拍未停過,仲有個放低咗21年嘅歌手夢一直想再圓。
繼兩年前 《天命》後一直冇劇出街,其實煎Pang劇接劇喪拍未停過,仲有個放低咗21年嘅歌手夢一直想再圓。
97年入行時簽約寶麗金出過碟做過兩年歌手,16年亦唱過《 城寨英雄 》等劇主題曲,煎 Pang 今年仲簽約新唱片公司,錄埋新歌拍埋 MV 一心圓歌手夢。
97年入行時簽約寶麗金出過碟做過兩年歌手,16年亦唱過《 城寨英雄 》等劇主題曲,煎 Pang 今年仲簽約新唱片公司,錄埋新歌拍埋 MV 一心圓歌手夢。
18年同單文柔奉女成婚,19年囡囡小豬比出世,家庭生活雖然美滿,不過煎 Pang 就話要澄清,冇掛住湊女唔拍劇,其實有三套重頭劇等出街。
18年同單文柔奉女成婚,19年囡囡小豬比出世,家庭生活雖然美滿,不過煎 Pang 就話要澄清,冇掛住湊女唔拍劇,其實有三套重頭劇等出街。

明谷王浩信做視帝陳展鵬相信公司

原本打算重頭劇配合主題曲,順勢隆重宣布加盟新唱片公司嘅如意算盤,除咗被疫情打亂陣腳,真正程咬金竟然係王浩信!原來九月臨時變陣抽起《 唐人街 》改播《 C 奶特工 》,其後因為王浩信《 反黑路人甲 》反應超出預期,索性打蛇隨棍上安排佢主演嘅《 踩過界 II 》做台慶劇,呢一著明谷王浩信做視帝之舉,搞到冇劇上冇歌出嘅陳展鵬好似半退休一樣,畀人誤以為做咗住家公囉!就此有傳媒問煎Pang 回應,佢就話監製話有嘢未處理好臨時抽起,自己相信公司係公平喎!

《 反黑路人甲 》出街反應超預期,無綫索性推出埋《 踩過界II 》,一心幫王浩信造勢做視帝,連累煎 Pang第二年冇劇出街,新歌錄好 MV 拍埋都未見得人。
《 反黑路人甲 》出街反應超預期,無綫索性推出埋《 踩過界II 》,一心幫王浩信造勢做視帝,連累煎 Pang第二年冇劇出街,新歌錄好 MV 拍埋都未見得人。
臨時變陣搞到歌冇得唱,全年冇劇出街,今年視帝之爭又冇份,變成大熱王浩信同回巢嘅林峯之爭,陳展鵬分分鐘同舊年一樣,連台慶頒獎禮都唔去。
臨時變陣搞到歌冇得唱,全年冇劇出街,今年視帝之爭又冇份,變成大熱王浩信同回巢嘅林峯之爭,陳展鵬分分鐘同舊年一樣,連台慶頒獎禮都唔去。
《唐人街》本來係2020年度節目巡禮重頭推介之作,卡士除咗Pang同唐詩詠外,仲有元秋、伍允龍及梁琤等打得之人回歸,變陣後重見天日之期,煎Pang都話唔清楚。
《唐人街》本來係2020年度節目巡禮重頭推介之作,卡士除咗Pang同唐詩詠外,仲有元秋、伍允龍及梁琤等打得之人回歸,變陣後重見天日之期,煎Pang都話唔清楚。

有傳媒指陳展鵬堅嬲 網民挖當年追胡定欣事蹟

對於被臨時抽起劇集,有傳媒專訪指陳展鵬後表示煎Pang 嬲咗,雖然字裡行間其實冇講佢真係嬲,只係表示無奈,但就引起一眾網民興趣,亦趁機挖返當年佢追胡定欣炒新聞事件。其實唔少觀眾都對《唐人街》有興趣,主要原因係而家套套劇都係嚟嚟去去嗰幾個演員,你唔悶佢都厭啦,不過《唐人街》究竟幾時先播,就真係無人知啦。

晚晚都張振朗,其實大家都頂唔順
晚晚都張振朗,其實大家都頂唔順
有網民突破盲腸指煎pang係同單文柔奉女成婚之後就無劇出,話呢個係報應啊!
有網民突破盲腸指煎pang係同單文柔奉女成婚之後就無劇出,話呢個係報應啊!
網民仲記得當年煎pan除咗事業,媾女都要搵師傅夾過睇吓個女仔旺唔旺佢,佢知道同胡定欣唔太夾,但Phoebe(單文柔)各方面都好夾佢,婚後生埋小朋友仲愈來愈旺,所以煎Pang同Phoebe拍拖冇耐已經認定對方係老婆
網民仲記得當年煎pan除咗事業,媾女都要搵師傅夾過睇吓個女仔旺唔旺佢,佢知道同胡定欣唔太夾,但Phoebe(單文柔)各方面都好夾佢,婚後生埋小朋友仲愈來愈旺,所以煎Pang同Phoebe拍拖冇耐已經認定對方係老婆