當年專做人細妹嘅楊羚，觀眾對佢印象最深一定係《大時代》入面做劉青雲細妹方敏，或者《大鬧廣昌隆》林家棟個妹。其實退出幕前多年嘅楊羚，依家已經48歲，身形有啲肥師奶feel，但日前出席活動時仲係baby face，皮膚又白又滑，話似28歲都有人信！原來楊羚有個10歲囡囡Christy生得好靚女，更激似花曼王君馨，睇嚟將來大有條件女承母業入行做演員喎！